«ۇشاق 1996 -جىلى شىققان. ۇشۋ جارامدىلىعى تۋرالى سەرتيفيكاتى مەن كۋالىگى بيىل مامىر ايىندا ۇزارتىلعان. بۇل اۋە كەمەسى قازاقستاندىق رەەستردە 2016 -جىلى 26 - تامىزدا تىركەلگەن. بارلىعى Bek Air كومپانياسىندا 10 اۋە كەمەسى بار. ولاردىڭ 9-ىندا ۇشۋ جارامدىلىعى سەرتيفيكاتى بار. ق ر اۆياتسيا كوميتەتى Bek Air كومپانياسىنىڭ جۇمىسىن ۋاقىتشا توقتاتتى»، - دەدى رومان سكليار.
ايتا كەتەيىك، بۇگىن تاڭدا الماتىدان نۇر- سۇلتان قالاسىنا ۇشىپ شىققان ۇشاق راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى. وسى اپاتقا قاتىستى شۇعىل جەلى ىسكە قوسىلعان.
ق ر پرەزيدەنتى قاسىم- جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى. ەلباسى نۇر- سۇلتان نازاربايەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى.
فوتو: www.emer.gov.kz
اۆتور: گۇلميرا عوسمانالي