المەرەك اۋىلىندا بولعان ۇشاق اپاتىنان سوڭ الەۋمەتتىك جەلىدە قان دونورى قاجەت ەكەنى تۋرالى اقپارات تاراعان بولاتىن. بۇل اقپاراتتى Instagram جەلىسىندە ق ر بالا قۇقىقتارى جونىندەگى ۋاكىل ارۋجان ساين جانە الماتى قالاسىنىڭ اكىمدىگى جاريالاعان ەدى.
سونىمەن قاتار، بەلگىلى ءانشى مەيرامبەك بەسپايەۆ تا كوپشىلىكتى قان تاپسىرۋعا شاقىردى.
الەۋمەتتىك جەلىدەگى حابارلامادان سوڭ قالا تۇرعىندارى قان ورتالىعىنا قاراي اعىلدى. بىرەر ساعاتتان سوڭ قالاداعى قان ورتالىعىنا جينالعان ادام قاراسى كوبەيىپ كەتتى. دونور بولۋعا نيەت بىلدىرگەندەردىڭ سانى ساعات ساناپ ارتىپ جاتىر .
ايتا كەتۋ كەرەك، قايعىلى وقيعا بۇگىن تاڭەرتەڭ المەرەك اۋىلىندا بولدى. الماتىدان نۇر- سۇلتانعا باعىت العان Bek Air كومپانياسىنىڭ ۇشاعى تاڭعا جۋىق اۋىلداعى ۇيلەردىڭ بىرىنە قۇلاپ ءتۇستى.
وقىس وقيعادان قازا بولعانداردىڭ سانى 15 كە جەتتى. الماتى اۋرۋحانالارىندا 49 ادام جاتىر.
ق ر د س م ۇشاق اپاتىنان زارداپ شەككەندەرگە مەديتسينالىق كومەك كورسەتۋ ءۇشىن رەسۋرستار جەتكىلىكتى ەكەنىن، قان تاپسىرۋدىڭ قاجەتى جوق ەكەنىن مالىمدەدى.