«ميتينگكە ەسكەرتىپ شىعۋ - باسسىزدىق دەگەندى بىلدىرمەيدى. ەنگىزىلگەلى جاتقان تىڭ قاعيداتتار ۇيىمداستىرۋشىلار مەن قاتىسۋشىلارعا ايتارلىقتاي سالماقتى جاۋاپكەرشىلىك جۇكتەگەلى وتىرعانىن ۇعىنۋ كەرەك. ماسەلەن، ەۋروپانىڭ ءبىرقاتار ەلىندە اكتسيا وتكىزۋ تۋرالى ۇيىمداستىرۋشىلار الدىن الا ەسكەرتۋى كەرەك. دەمونستراتسياعا بەتپەردە كيىپ كەلۋگە بولمايدى. بىلۋىمشە، ۇيىمداستىرۋشىلار اكتسيا كەزىندە ءتارتىپتىڭ ساقتالۋىنا دا، قاۋىپسىزدىككە دە جاۋاپ بەرەدى. اكتسيادان كەيىن قاراپايىم عانا جۇرگەن جەردى تازارتىپ كەتۋ دە - جاۋاپكەرشىلىك. سول سەبەپتى، ەسكەرتىپ شىعۋ ءتارتىبىن باسسىزدىقپەن شاتاستىرىپ المايىق. البەتتە، بەلگىلى ءبىر پروتسەدۋرالار بولادى. ول تۋرالى مەملەكەت باسشىسىنىڭ ءتيىستى تاپسىرماسى بار. وسى جۇمىستى كەڭىنەن جۇرگىزەتىن بولامىز»، - دەدى داۋرەن ابايەۆ حابار ارناسىنان كورسەتىلگەن «اشىق ديالوگ» باعدارلاماسىندا.
ەسكە سالا كەتسەك، ۇلتتىق قوعامدىق سەنىم كەڭەسىنىڭ ەكىنشى وتىرىسىندا ق ر پرەزيدەنت قاسىم-جومارت توقايەۆ ميتينگتەر قۇقىق قانا ەمەس، سونىمەن قاتار جاۋاپكەرشىلىك ەكەنىن ءتۇسىنۋ كەرەكتىگىن اتاپ وتكەن ەدى.