بۇل تۋرالى وڭىرلىك كوممۋنيكاتسيا قىزمەتىندە وتكەن بريفينگ بارىسىندا وبلىس اكىمىنىڭ ورىنباسارى باقىتجان قاشاقوۆ ءمالىم ەتتى.
2019-جىلدىڭ كۇز ايلارىنان بەرى وبلىستا ازىرگە بەلگىسىز ىندەتپەن 1139 تۇيە اۋىرعان، 1112 تۇيەنى ەمدەگەن. تۇيەنىڭ بەلگىسىز ىندەتى اقتاۋ قالاسى مەن بەينەۋ اۋدانىنان باسقا جەرلەردە بەلەڭ العان.
ايتا كەتەيىك، ءىرى قارانىڭ ولگەنى تىركەلگەن جوق.
«جۇقپالى اۋرۋدان تۇيەنىڭ اۋىز قۋىسى، ەرىندەرى مەن مۇرنى قابىنىپ، ءشوپ جەۋى، سۋ ءىشۋى قيىنداعان. انتيبيوتيكتەرمەن ۋاقتىلى ەمدەلگەن تۇيەلەر 1 اپتانىڭ ىشىندە تولىقتاي ساۋىعىپ كەتەدى»، - دەيدى ق ر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ ماڭعىستاۋ وبلىستىق اۋماقتىق ينسپەكتسياسىنىڭ باسشىسى قۋانىشكەرەي مىرزاتوۆ.
جۇقپالى ىندەتتتىڭ دياگنوزى ۆەتەريناريالىق دياگنوستيكالىق زەرتحانانىڭ قورىتىندىسى نەگىزىندە عانا بەلگىلى بولادى. اۋىل شارۋاشىلىعى مينيسترلىگىنە قاراستى دياگنوستيكالىق ورتالىققا بارلىعى 70 تۇيەدەن سىنامالار الىنىپ، تەكسەرۋدەن وتكىزىلگەن. وبلىسقا 3 رەت ورتالىقتىڭ ەكسپەرت ماماندارى شاقىرتىلىپ، مونيتورينگ جۇرگىزىلگەن.
دياگنوستيكالىق مەكەمەلەردىڭ قورىتىندىلارىنا سايكەس، زەرتتەلگەن تۇيەلەردە اسا قاۋىپتى اۋرۋلار انىقتالماعان.
جەلتوقسان ايىنىڭ باسىندا 12 تۇيەدەن الىنعان ماتەريالدار ەلىمىزدىڭ 3 ءتۇرلى تاۋەلسىز ۆەتەريناريالىق عىلىمي- زەرتتەۋ ينستيتۋتتارىنا جولدانعان. ۆيرۋسولوگيالىق زەرتتەۋلەر قورىتىندىسى ازىرگە شىققان جوق.
ەگەر اسا قاۋىپتى كەسەل انىقتالاتىن بولسا، ق ر ۆەتەريناريا سالاسىنداعى زاڭنامالارىنا سايكەس، ونى جويۋ جۇمىستارى جۇرگىزىلەتىن بولادى.