بۇل تۋرالى ەلوردادا وتكەن دوڭگەلەك ۇستەل وتىرىسىندا ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ەرلان اۋكەنوۆ ءمالىم ەتتى، دەپ حابارلايدى قازاقپارات.
اتاپ ايتقاندا، ساناتورلىق- كۋرورتتىق ەمدەۋ قىزمەتتەرىن مەملەكەتتىك ساتىپ الۋ كونكۋرسىندا جەڭىمپاز بولعان ۇيىم كورسەتەدى، نە بولماسا ۇكىمەتتىك ەمەس ۇيىمدارمەن شارت جاساسۋ ارقىلى ۇسىنىلادى. ناتيجەسىندە جولدامالار ءوزارا ىنتىماقتاستىق ورناتقان ساناتوريلەرگە بەرىلەدى جانە مۇگەدەكتەر مەكەمەنى ءوز بەتىنشە تاڭداي المايدى. بۇعان قوسا، ساناتورلىق- كۋكرورتتىق ەمدەۋ مەرزىمى ايقىندالماعان، سونىڭ سالدارىنان ءتۇرلى وڭىرلەردە ونىڭ ۇزاقتىعى 7 دەن 14 كۇنگە دەيىن قۇرايدى.
«مەملەكەتتىك ساتىپ الۋ تۋرالى» زاڭعا سايكەس، وڭالتۋدىڭ تەحنيكالىق قۇرالدارىمەن ەڭ از قۇنى بويىنشا نەمەسە ۇ ە ۇ- دان ءبىر كوزدەن ساتىپ الىنادى. بۇل رەتتە تاۋارلار مۇگەدەكتىگى بار ادامداردىڭ جەكە قاجەتتىلىكتەرىن ەسكەرمەستەن جاپپاي ساتىپ الىنادى.
«قازىر ءبىز قولدانىستاعى بۇيرىققا مۇگەدەكتەر ءۇشىن 14 كۇننەن كەم ەمەس ساناتوريالىق- كۋرورتتىق ەمدەلۋ مەرزىمىن بەلگىلەۋ بولىگىندە وزگەرىستەر ەنگىزەمىز. 2020 -جىلدىڭ شىلدەسىنەن باستاپ شيپاجايلىق- كۋرورتتىق ەمدەۋ قىزمەتتەرى الەۋمەتتىك قىزمەتتەر پورتالىنا كوشىرىلەدى، بۇل مۇگەدەكتىگى بار ادامدارعا ۇيىمدى ءوز بەتىنشە تاڭداۋعا مۇمكىندىك بەرەدى. سونداي- اق، پورتالدى ىسكە قوسۋ وڭالتۋدىڭ تەحنيكالىق قۇرالدارىن ۇسىنۋ تەتىگىن جەتىلدىرۋگە مۇمكىندىك بەرەدى. 2020 -جىلدىڭ قاڭتارىنان باستاپ جەكە ىرىكتەۋدى تالاپ ەتپەيتىن وڭالتۋدىڭ تەحنيكالىق قۇرالدارىنىڭ 55 ءتۇرىنىڭ 24 ءى پورتالعا، قالعان 31 ءتۇرى - 2021 -جىلدىڭ قاڭتارىنان باستاپ اۋىستىرىلاتىن بولادى. بۇل مۇگەدەكتىگى بار ادامدارعا جەكە قاجەتتىلىكتەردى، ساپانى، ءونىم بەرۋشىنىڭ بەدەلىن، باسقا پايدالانۋشىلاردىڭ پىكىرلەرىن جانە باسقا دا ماسەلەنى ەسكەرە وتىرىپ، وڭالتۋدىڭ تەحنيكالىق قۇرالدارىن ءوز بەتىنشە تاڭداۋعا مۇمكىندىك بەرەدى» ، - دەدى ەرلان اۋكەنوۆ.
بۇدان بۇرىن حابارلانعانداي، اتالعان وتىرىسقا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ، ق ر پرەزيدەنتىنىڭ كومەكشىسى – ق ر پرەزيدەنتى اكىمشىلىگىنىڭ وتىنىشتەرىن قاراۋدى باقىلاۋ ءبولىمىنىڭ مەڭگەرۋشىسى ايدا بالايەۆا، ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، سونداي- اق ءبىرقاتار ۆەدومستۆولاردىڭ ۆيتسە- مينيسترلەرى قاتىستى.