الماتىداعى جەكپە-جەك كەشىندە داۋرەن ەرمەكوۆ چەمپيوندىق بەلبەۋدى جەڭىپ الدى

نۇر-سۇلتان. قازاقپارات - الماتىداعى «الماتى ارەنادا» ارالاس جەكپە-جەكتەن Gorilla Fighting Championship (GFC) 23 تۋرنيرى مارەگە جەتتى، دەپ حابارلايدى قازاقپارات ءتىلشىسى.

باستى جەكپە-جەكتە قازاقستاندىق داۋرەن ەرمەكوۆ پەن رەسەيلىك ارتۋر گۋسەينوۆ ورتا سالماقتا ليگانىڭ ۋاقىتشا چەمپيوندىق بەلبەۋىن ساراپقا سالدى.

قازاقستاندىق جەكپە-جەك شەبەرى ءۇش راۋند بويى باسىمدىلىعىن كورسەتە ءبىلدى. قارسىلاسىن تيكداۋنعا دا ءتۇسىرىپ، كوبىرەك سوققى جۇمساي ءبىلدى.

تورەشىلەر 30:28، 30:27، 30:27 ەسەبىمەن ءبىراۋىزدان جەڭىستى د. ەرمەكوۆكە بەردى.

وسىلايشا داۋرەن ءوز ديۆيزيونىندا GFC- نىڭ ۋاقىتشا تيتۋلىنا يە بولدى. بۇل - ونىڭ كاسىبي سپورتتىق جولىنداعى 14- جەڭىسى.

تۋرنيرگە قۇرمەتتى قوناق ەسەبىندە UFC جۇلدىزى، رەسەيلىك حابيب نۋرماگومەدوۆ قاتىستى. ول - وسى Gorilla Fighting Championship پروموۋشنى قۇرىلتايشىلارىنىڭ ءبىرى.