قازاقستاندا قانشاءىرى قارا مال باسى بار ەكەنى بەلگىلى بولدى

 بۇل تۋرالى قازاقپارات primeminister سايتىنا سىلتەمە جاساپ حابارلايدى.

اۋىل شارۋاشىلىعى ءمينيسترى س. وماروۆ ءىرى قارا مال باسىن كوبەيتۋ جانە سيىر ەتى ءوندىرىسىن ارتتىرۋ بويىنشا قابىلدانىپ جاتقان شارالار تۋرالى باياندادى، سولتۇستىك قازاقستان وبلىسىنىڭ اكىمى ق. اقساقالوۆ، قاراعاندى وبلىسىنىڭ اكىمى ج. قاسىمبەك، پاۆلودار وبلىسىنىڭ اكىمى ب. باقاۋوۆ، اقمولا وبلىسىنىڭ اكىمى ە. مارجىقپايەۆ، قوستاناي وبلىسىنىڭ اكىمى ا. مۇحامبەتوۆ، سونداي- اق، اگرارلىق بيزنەستىڭ ءبىرقاتار وكىلدەرى تۇسىنىكتەمە بەرىپ ءوتتى.

ا و ك دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسى اياسىندا ەتتى مال شارۋاشىلىعىن دامىتۋدىڭ سالالىق باعدارلاماسى جۇزەگە اسىرىلۋدا.

بۇگىندە رەسپۋبليكادا 7,1 ميلليوننان استام ءىرى قارا مال بار، ونىڭ ىشىندە ءسۇتتى ءى ق م - 4,7 ميلليون باس، ەتتى باعىتتاعى ءى ق م - 2,3 ميلليون باس. جىل سايىنعى ىشكى مال باسىنىڭ ءوسىمى %5 قۇرايدى. ەلىمىزدە ءبىر جولعى بورداقىلاۋدىڭ 279 مىڭ باس مال ورنىنا ارنالعان 113 بورداقىلاۋ الاڭى بار. بيىل 52 مىڭ باس مالعا ارنالعان 24 بورداقىلاۋ الاڭىنىڭ قۇرىلىسى قارجىلاندىرىلدى. بورداقىلاۋ الاڭدارىن اينالىم قاراجاتتارىمەن قامتاماسىز ەتۋ ماقساتىندا «اگروەكسپورت» باعدارلاماسى جۇزەگە اسىرىلۋدا.

مال شارۋاشىلىعى ءونىمىنىڭ وزىندىك قۇنى قۇرىلىمىنداعى ۇلەسى %70 قۇرايتىن جەمشوپ وندىرىسىنە ەرەكشە كوڭىل بولىنەدى. جەمشوپ داقىلدارىنىڭ القابىن بيىلعى 3,3 ميلليون گەكتاردان 2021 -جىلعا قاراي 4 ميلليون گەكتارعا دەيىن جەتكىزۋ كوزدەلگەن.

كەڭەسكە قاتىسۋشىلار مال باسىن كوبەيتۋ، ونىڭ ونىمدىلىگىن ارتتىرۋ، بورداقىلاۋ الاڭدارىنا جەمدى جەتكىزۋدى قامتاماسىز ەتۋ شارالارىن، سونداي- اق، وسىمدىك شارۋاشىلىعىمەن اينالىساتىن شارۋا قوجالىقتارىن مال شارۋاشىلىعى سالاسىنا تارتۋ ماسەلەلەرىن تالقىلادى.

ۇكىمەت باسشىسى وكىلەتتى مەملەكەتتىك ورگاندارعا، سونداي- اق وڭىرلەر اكىمدىكتەرىنە اگرارلىق بيزنەس وكىلدەرىمەن بىرلەسىپ قازاقستاندا ەتتى مال شارۋاشىلىعىن دامىتۋ بويىنشا العا قويىلعان مىندەتتەردى ىسكە اسىرۋدىڭ وڭتايلى تەتىكتەرىن ەگجەي- تەگجەيلى جانە كەشەندى پىسىقتاۋدى تاپسىردى.

وبلىس اكىمدىكتەرىنە مال شارۋاشىلىعى سەكتورىنا ءىرى ەگىن ەگەتىن شارۋاشىلىقتار مەن جايىلىم يەلەرىن تارتۋ ارقىلى اۋىل شارۋاشىلىعىن ءارتاراپتاندىرۋ بويىنشا جۇيەلى شارالار قابىلداۋ جۇكتەلدى.