ەۋرونەۋس نۇسقاسى بويىنشا ۆەنگرياداعى جىل ءسوزى - «قىپشاق»

تاۋلىك بويى حابار تاراتاتىن Euronews ەۋروپا تەلەارناسى 2019 -جىلى ەۋروپاداعى ەڭ ماڭىزدى جانە تانىمال سوزدەرگە قورىتىندى جاسادى.

تەلەارنا نۇسقاسى بويىنشا ۆەنگريادا جىل ءسوزى دەگەن اتاۋعا «قىپشاق» ءسوزى لايىق دەپ تانىلىپتى. ارنانىڭ ايتۋىنشا، ەلدىڭ پرەمەر-ءمينيسترى ۆيكتور وربان قازاقستاننىڭ ءبىرىنشى پرەزيدەنتى نۇرسۇلتان نازاربايەۆتى قىپشاقتاردىڭ دوسى دەپ اتاعاندا ۆەنگرلەر قاتتى تاڭقالعان. «قىپشاقتار ۆەنگريادا ءومىر سۇرەدى، ۆەنگرلەردە قىپشاقتىڭ قانى بار»، - دەپ اتاپ ءوتتى ۆەنگريا پرەمەر- ءمينيسترى. بۇل وقيعا وربان تۇركىتىلدەس مەملەكەتتەردىڭ ىنتىماقتاستىق كەڭەسىنە بارعان كەزدە بولعان.

Euronews مالىمەتى بويىنشا، اعىلشىن تىلىندەگى ەڭ تانىمال ءسوز «fatigue» - شارشاۋ. Euronews ءتىلشىسى بۇل ءسوز Brexit جاعدايىنا بايلانىستى تۇراقسىزدىقتان شارشاعان ۇلى بريتانياداعى كوڭىل كۇيدى سيپاتتايتىنىن ايتتى.

Euronews پاريج قۇداي-انا سوبورىنداعى ورتتەن كەيىن فرانسيانىڭ جىل ءسوزى «restauration» - قالپىنا كەلۋ، رەستاۆراتسيا بولادى دەپ شەشكەن. بۇدان بولەك، ءتىلشى ەۋروپالىق ينستيتۋتتارعا ەل ازاماتتارىمەن بايلانىس ورناتاتىن كەز كەلدى دەپ ەسەپتەيدى.

سونىمەن قاتار، تەلەارنا يتاليان، گرەك، يسپان، نەمىس جانە باسقا ەۋروپا تىلدەرىندەگى ەڭ تانىمال سوزدەردى اتادى.