بۇل تۋرالى ەلوردا اكىمى التاي كولگىوۆ ءوزىنىڭ Facebook پاراقشاسىندا جازدى.
«بۇگىن «بايقوڭىر» اۋدانىنىڭ تۇرعىندارىمەن كەزدەستىم. 2 ساعات ىشىندە قالا تۇرعىندارى 70 كە جۋىق سۇراق قويدى. تۇرعىندار الەۋمەتتىك نىسانداردىڭ قۇرىلىسى، ەلدى-مەكەندەردى دامىتۋ، قوعامدىق كولىكتەردىڭ باعىتتارىن ارتتىرۋ، اۋماقتى اباتتاندىرۋ، كوشەلەردى جارىقتاندىرۋ ماسەلەلەرىن كوتەردى. سونداي- اق، تۇرعىن ءۇي باعدارلامالارىنا قاتىسۋ جانە اپاتتى ۇيلەردى ءسۇرۋ ماسەلەلەرىنە دە توقتالىپ ءوتتى. جالپى وسى جىلى «نۇرلى جەر« باعدارلاماسى بويىنشا 8 اپاتتى ءۇيدىڭ تۇرعىندارىن كوشىردىك. مۇناي بازالارى ماڭىندا ورنالاسقان 39 رازەزدەگى 27 ءۇيدىڭ جيىرماسىنىڭ تۇرعىندارى پاتەر الدى»، - دەپ جازدى ەلوردا اكىمى.
سونداي-اق ول تۇرعىندار تاراپىنان كوتەرىلگەن ءاربىر ماسەلە جۇمىس جوسپارىنا الىنعاندىعىن جانە «اشىق ميكروفون» فورماتىنداعى مۇنداي كەزدەسۋلەردىڭ تۇراقتى تۇردە وتەتىنىن حابارلادى.