كوميسسيا وتىرىسىندا data-جۋرناليستيكانى دامىتۋ پەرسپەكتيۆالارى، جەرگىلىكتى اتقارۋشى ورگانداردىڭ اشىقتىعىنىڭ ەتالوندىق ۇلگىسى، مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرىن تالداۋ ناتيجەسى جانە قۇجات اينالىمىن ازايتۋ شارالارى تالقىلاندى.
«رۋحاني جاڭعىرۋ» قازاقستاننىڭ قوعامدىق دامۋ ينستيتۋتى ق ە ا ق باسقارما ءتوراعاسى كەمەلبەك ويشىبايەۆ ءوز بايانداماسىندا جەرگىلىكتى اتقارۋ ورگاندارى اشىقتىعىنىڭ تيپتىك مودەلى ازىرلەنگەنىن جانە ول 17 ءوڭىر اكىمدىكتەرىنىڭ وكىلدەرىنە تانىستىرىلعانىن ايتتى. اتالعان تيپتىك مودەل 7 باعىتتان تۇرادى: 1 قادام - اقپارات جيناقتاۋ، 2 قادام - پروبلەمانى ايقىنداۋ، 3 قادام - دايىنداۋ پروتسەسى، 4 قادام - شەشىم، 5 قادام - ازاماتتىق قوعام وكىلدەرىمەن كەلىسۋ، 6 قادام - ورىنداۋ جانە مونيتورينگ، 7 قادام - باعالاۋ.
«تيپتىك مودەلدىڭ نەگىزگى ماقساتى مەن مىندەتتەرى - جاڭا اشىقتىق ۇلگىسىن جاساۋ. سول ارقىلى اكىمدىكتەردىڭ اشىقتىعىن ارتتىرىپ، حالىقتىڭ مۇڭ- مۇقتاجىنا جەدەل جاۋاپ قاتۋ، ازاماتتاردىڭ ارىز-شاعىمىن قاراۋ ساپاسىن ارتتىرۋ، قوعامدىق ديالوگ جۇرگىزۋ كوزدەلگەن. اشىقتىق مودەلىن ەنگىزۋ پرەزيدەنت ايتقان حالىق ۇنىنە قۇلاق اساتىن مەملەكەت يدەياسىن جۇزەگە اسىرۋعا مۇمكىندىك بەرەدى»، - دەدى كەمەلبەك ويشىبايەۆ.
ونىڭ ايتۋىنشا، الماتى مەن شىعىس قازاقستان وبلىستارىنىڭ اكىمدىكتەرىندە اشىقتىقتى قامتاماسىز ەتۋ تاجىريبەلەرى زەرتتەلگەن.
سونىمەن بىرگە، كوميسسيا وتىرسىندا «زەردە» ۇ ا ح» ا ق اشىق ۇكىمەت جانە دەرەكتەر دەپارتامەنتىنىڭ ديرەكتورى گ. د. ابدىعاليەۆا مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرىن تالداۋ تۋرالى، پ م ك باقىلاۋ جانە قۇجاتتامالىق قامتاماسىز ەتۋ ءبولىمى مەڭگەرۋشىسىنىڭ ورىنباسارى ب. ا. تىلەۋوۆ، م س م، ب ع م، ە ح ا ق م وكىلدەرى قۇجات اينالىمدى قىسقارتۋ بويىنشا مەملەكەتتىك ورگاندارمەن ىسكە اسىرىلعان شارالار تۋرالى بياانداما جاسادى.
وتىرىس سوڭىندا كوميسسيانىڭ 2020-جىلعى جۇمىسىنىڭ جوسپارى تانىستىرىلدى.