«قۇرامىندا 20 م گ- نان 250 م گ- عا دەيىن نيكوتين (سالىستىرۋ ءۇشىن ءبىر سيگارەتتە 1,5 م گ نيكوتين بار) بار، تۇتىنۋ كەزىندە نەيروتوكسيكالىق اۋىتقۋ تۋدىراتىن، سانانىڭ بۇزىلۋىنا، ودان ءارى دەنە جانە مىنەز-قۇلىق تاۋەلدىلىگىنە الىپ كەلەتىن شەگۋگە ارنالماعان تەمەكى جانە تەمەكىسىز دەپ اتالاتىن «سنيۋستەردىڭ» كەڭىنەن تانىلۋىنا بايلانىستى؛ نيكوتيننىڭ ولىمگە اكەلەتىن ورتاشا دوزاسى ءبىر كيلوگرام سالماققا 0,5-1 م گ- ءدى قۇرايتىنىن جانە بالالار مەن جاس وسپىرىمدەردىڭ از سالماعى كەزىندە مۇنداي دوزانىڭ ولىمگە الىپ كەلۋى مۇمكىن ەكەنىن ەسكەرە وتىرىپ، قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى «سنيۋس» شەگۋگە ارنالماعان تەمەكى جانە تەمەكىسىز ونىمدەرىن اكەلۋگە، قولدانۋعا، ساتۋعا جانە تاراتۋعا تىيىم سالۋ بويىنشا ۋاقىتشا سانيتاريالىق شارالاردى ەنگىزۋ تۋرالى قاۋلى شىعارعانىن (2019-جىلعى 12- جەلتوقسانداعى 7№ -پ گ ۆ ر) حابارلايدى»، دەلىنگەن حابارلامادا.
بۇدان باسقا، ءونىمنىڭ قاۋىپسىزدىگىن مونيتورينگىلەۋ شەڭبەرىندە كوميتەتتىڭ اۋماقتىق بولىمشەلەرىنە كەيىننەن نيكوتيننىڭ جانە باسقا دا ۋىتتى زاتتاردىڭ قۇرامىن ايقىنداي وتىرىپ، قۇرامىندا نيكوتين جانە/نەمەسە ونىڭ تۋىندىلارى بار تەمەكى جانە شاينايتىن جانە سوراتىن قوسپالاردى (سنيۋستەردى) رەسپۋبليكا بويىنشا بارلىق ساۋدا وبەكتىلەرىندە ساتىپ الۋعا تاپسىرما بەرىلدى.
«سونداي-اق: جەرگىلىكتى اتقارۋشى ورگاندارمەن، ءبىلىم بەرۋ، دەنساۋلىق ساقتاۋ باسقارمالارىمەن، جاستار دەنساۋلىق ورتالىقتارىمەن بىرلەسىپ، بالالار مەن جاس وسپىرىمدەردىڭ ورگانيزمىنە قۇرامىندا نيكوتين بار قوسپالار مەن پسيحيكالىق-بەلسەندى زاتتاردىڭ اسەرى تۋرالى ءتۇسىندىرۋ بويىنشا كەڭ اۋقىمدى اكسيالار وتكىزۋگە؛ باقىلاۋداعى تاربيەلەۋ جانە ءبىلىم بەرۋ وبەكتىلەرىن تەكسەرۋ بارىسىندا ءتۇسىندىرۋ جۇمىسىن جۇرگىزۋگە جانە بۇزۋشىلىقتار انىقتالعان كەزدە قازاقستان رەسپۋبليكاسىنىڭ قولدانىستاعى زاڭناماسىنا سايكەس شارالار قابىلداۋعا؛ ىشكى ىستەر ورگاندارىمەن بىرلەسىپ، بارلىق وبەكتىلەردە (ءبىلىم بەرۋ ۇيىمدارى، ساۋدا وبەكتىلەرى، ساۋدا-ويىن-ساۋىق وبەكتىلەرى جانە ت. ب.) اتالعان ءونىمدى مەكتەپكە دەيىنگى جانە مەكتەپ جاسىنداعى بالالارعا ساتۋعا تىيىم سالۋ تۋرالى شارۋاشىلىق جۇرگىزۋ سۋبەكتىلەرىنىڭ نازارىنا جەتكىزۋگە تاپسىرما بەرىلدى»، دەلىنگەن حابارلامادا.
دۇكەن سورەلەرىندە سايكەس كەلمەيتىن ونىمدەر انىقتالعان جاعدايدا جەدەل شارالار قابىلداۋ ءۇشىن كوميتەتكە نەمەسە ونىڭ اۋماقتىق دەپارتامەنتتەرىنە جازباشا تۇردە ءوتىنىش بەرۋ كەرەك (ءار ءوڭىردىڭ ت ك ق س ق ب د- ءنىڭ بايلانىس دەرەكتەرى kkkbtu.dsm.gov.kz سايتىنىڭ اۋماقتىق دەپارتامەنتتەر بولىگىندە كورسەتىلگەن).