ءتيىستى شارا قابىلدانباسا، بولجام بويىنشا 2030 -جىلى لاستاۋشى زاتتاردىڭ ەميسسياسى 3,6 ميلليون تونناعا دەيىن وسەتىنىن ايتتى مينيستر. «2019 -جىلدىڭ قورىتىندىسى بويىنشا اتموسفەرانى لاستاۋشى زاتتاردىڭ قالدىقتارى 2,5 ميلليون توننا، ال جىل سايىنعى ءوسىمى 100 مىڭ توننا بولعان. ونىڭ ىشىندە ەلەكتر ەنەرگەتيكاسىنا (كومىرمەن جۇمىس ىستەيتىن جىلۋ ەلەكتر ستانتسيالارى) 940 مىڭ توننا، تاۋ- كەن مەتاللۋرگيا سەكتورىنا 760 مىڭ توننا، مۇناي وندىرۋگە 520 مىڭ توننا، كولىك پەن اۋىل شارۋاشىلىعىنا 320 مىڭ توننا تيەسىلى. وڭىرلەردەگى قالدىقتاردىڭ نەگىزگى ۇلەسى قاراعاندى جانە پاۆلودار وبلىستارىندا - شامامەن V. ەگەر ءتيىستى شارا قابىلدانباسا بولجام بويىنشا 2030 -جىلى لاستاۋشى زاتتاردىڭ ەميسسياسى 3,6 ميلليون تونناعا دەيىن وسەدى.
«اتموسفەرا اۋاسىنا جۇرگىزىلگەن ەكولوگيالىق تالداۋ جۇمىستارى 45 ەلدى مەكەننىڭ ىشىندە ەڭ لاستانعان قالالاردىڭ قاتارىنا نۇر- سۇلتان، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن، جەزقازگان جانە ريددەر كىرەتىنىن كورسەتىپ وتىر»، - دەدى مينيستر ۇكىمەت وتىرىسىندا.
مينيستر وسى تاقىرىپتى جالعاستىرا وتىرىپ، پارنيك گازداردىڭ شىعارىندىلارىنا توقتالدى. «پاريج كەلىسىمى بويىنشا قازاقستان پارنيك گازدار شىعارىندىلارىن 2030 -جىلعا قاراي 1990 -جىلمەن سالىستىرعاندا 15 پروتسەنتكە تومەندەتۋگە مىندەتتەمە العان. الايدا بۇگىنگى كۇنى ەلىمىزدەگى پارنيك گازداردىڭ شىعارىندىلارى بۇل دەڭگەيدەن جوعارى. ەكونوميكا ءوسىمىن ەسكەرە وتىرىپ، پارنيك گازدار شىعارىندىلارىنىڭ وسەتىنىن بولجاۋعا بولادى. پارنيك گازدار شىعارىندىلارىن ازايتۋ شارالارىن قابىلداۋ ءۇشىن مينيسترلىك گەرمان تارابىنىڭ قولداۋىمەن 2050 -جىلعا دەيىنگى تومەنكومىرتەكتى دامۋ ستراتەگياسىن ازىرلەۋگە كىرىستى»، - دەدى ول.
Massaget.kz