ەركىن كۇرەستەن ۇلتتىق كوماندانىڭ باس باپكەرى الداعى ماۋسىم جوسپارلارىمەن ءبولىستى

نۇر-سۇلتان. قازاقپارات - ەركىن كۇرەستەن قازاقستان كومانداسىنىڭ باس باپكەرى اسەت سەرىكبايەۆ 2020-جىلعى باستى جوسپارلارمەن ءبولىستى دەپ حابارلايدى قازاقپارات Olympic.kz سىلتەمە جاساپ.

«بيىلعى ماۋسىم ءوز مارەسىنە جەتتى. ەندى ءبىز وتە جاۋاپتى كەزەڭ - وليمپيادا جىلىنا دايىندالۋدامىز. 2020-جىلدىڭ قاڭتارىنان باستاپ سپورتشىلار وقۋ-جاتتىعۋ جيىنىن وتكىزەدى. 15-18- قاڭتار كۇندەرى يتالياداعى رەيتينگىلىك تۋرنيرگە قاتىسامىز. ازيا چەمپيوناتىنىڭ وتەتىن مەرزىمى ءالى دە بولسا بەلگىسىز. ال 26-30- ناۋرىز ارالىعىندا ليتسەنزيالىق تۋرنير بار. وسى سىندا ءبىز قالعان ەكى سالماقتاعى وليمپيادا جولداماسىن ەنشىلەۋدە ماقسات ەتىپ وتىرمىز. ءساۋىر ايىنا دەيىنگى ناقتى جوسپارلار وسى. جىلدىڭ ەڭ باستى سپورتتىق وقيعاسى - توكيوداعى وليمپيادا ويىندارىندا ءساتتى ونەر كورسەتۋدى جوسپارلاپ وتىرمىز»، - دەيدى باس باپكەر.

بۇل كۇندەرى ەركىن كۇرەستەن قازاقستان كومانداسى АІВА اكادەمياسىندا وقۋ-جاتتىعۋ جيىندارىن وتكىزۋدە.