جاڭا باعدارلاما بويىنشا ەرەسەك ادامدار «كۇمىس ۋنيۆەرسيتەتتەردە» ءبىلىم الا الادى

نۇر-سۇلتان. قازاقپارات - 2025- جىلعا دەيىن قازاقستاندا ءبىلىم مەن عىلىمدى دامىتۋدىڭ جاڭا مەملەكەتتىك باعدارلاماسى ەنگىزىلەدى. جاڭا باعدارلاما بويىنشا قازاقستاندا ەرەسەك ادامدار ۋنيۆەرسيتەتتەر جانىندا اشىلعان «كۇمىس ۋنيۆەرسيتەتتەردە» ءبىلىم الادى.

 بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا ايتتى. «بۇگىندە فورمالدى بىلىمنەن باسقا، فورمالدى ەمەس ءبىلىمنىڭ ومىرگە قاجەتتىلىگى جوعارىلاپ وتىر. سوندىقتان مەملەكەتتىك باعدارلامادا ۋنيۆەرسيتەتتەر جانىنان ەرەسەكتەرگە ارنالعان «كۇمىس ۋنيۆەرسيتەتتەرگە»، جاپپاي ونلاين كۋرستارعا، قوسىمشا ءبىلىم ورتالىقتارىنىڭ جۇمىسىنا ۇلكەن ءمان بەرىپ وتىرمىز.

ول ادامنىڭ قاجەتتىلىكتەرى ءۇشىن، ءومىر بويى ءبىلىم الۋ قاعيدالارىنا باعىتتالعان»، - دەدى اسحات ايماعامبەتوۆ.

ايتا كەتسەك، مينيستر بۇگىن ۇكىمەت وتىرىسىندا 2025 -جىلعا دەيىن قازاقستاندا ءبىلىم مەن عىلىمدى دامىتۋدىڭ جاڭا مەملەكەتتىك باعدارلاماسىن تانىستىردى.

www.24.kz