بۇرىنعى پرەزيدەنت ءولىم جازاسىنا كەسىلدى
سوتتالۋشى قازىر دۋباي قالاسىندا. 2013-جىلى قوزعالعان قىلمىستىق ءىس بويىنشا ۇكىمدى ءۇش سۋديادان تۇراتىن القالار شىعاردى، ولاردىڭ ەكەۋى ءولىم جازاسىن قولداۋعا داۋىس بەردى.
گەنەرال پەرۆەز مۋشارراف 1999-جىلى اسكەري توڭكەرىس ناتيجەسىندە بيلىككە كەلگەن بولاتىن. ال 2001-2008-جىلدار ارالىعىندا پرەزيدەنت قىزمەتىن اتقاردى.
76 جاستاعى مۋشارراف قازىر دۋبايدا، وعان 2016-جىلى پاكىستاننان كەتىپ، ەمدەلۋگە رۇقسات ەتىلگەن.
2007-جىلى ءوزىنىڭ بيلىكتە بولۋ مەرزىمىن ۇزارتىپ، ەرەكشە جاعداي ەنگىزىپ، كونستيتۋتسيانى توقتاتا تۇرۋىنا قاتىستى مۋشاررافقا ايىپ تاعىلعان بولاتىن.
ۇكىمگە شاعىمدانۋعا بولادى. ەسكە سالا كەتەيىك، جەلتوقسان ايىندا ەكس-پرەزيدەنت اۋرۋحانا توسەگىندە جازىلعان بەينەجازبانى جاريالاپ، وعان قاتىستى قىلمىستىق ءىستى نەگىزسىز دەپ اتاعان.
مۋشارراف - كونستيتۋتسيانى بۇزدى دەگەن ايىپپەن سوت الدىنا كەلگەن العاشقى مەملەكەت باسشىسى.