سان-فرانسيسكودا بيىلعى قازاقستان- امەريكا دوستىعى كۇنى دەپ جاريالاندى

سان-فرانسيسكو. قازاقپارات – ا ق ش-تىڭ سان- فرانسيسكو قالاسىنىڭ مەرى 2019 -جىلدىڭ 16-جەلتوقسانىن قازاقستان- امەريكا دوستىعى كۇنى دەپ تانۋ تۋرالى مالىمدەمەگە قول قويدى، دەپ حابارلايدى قازاقپارات.

ق ر سىرتقى ىستەر مينيسترلىگىنىڭ اقپاراتىنا سۇيەنسەك، 16-جەلتوقسان كۇنى سان-فرانسيسكو قالاسى اكىمشىلىگىنىڭ عيماراتىندا قازاقستان رەسپۋبليكاسىنىڭ تۋىن كوتەرۋ جانە مەملەكەتتىك ءانۇرانىن ورىنداۋ ءراسىمى ءوتتى.

«مۇنداي شارا ا ق ش-تىڭ باتىس جاعالاۋىندا تۇڭعىش رەت ءوتتى. قازاقستان رەسپۋبليكاسىنىڭ تاۋەلسىزدىگى كۇنىنە وراي سان- فرانسيسكو قالاسىنىڭ ءمەرى لوندون ن. بريد 2019 -جىلعى 16-جەلتوقساندى قازاقستان- امەريكا دوستىعى كۇنى دەپ جاريالاۋ تۋرالى دەكلاراتسياعا قول قويدى. راسىمگە قالا اكىمشىلىگىنىڭ، ا ق ش مەملەكەتتىك دەپارتامەنتىنىڭ باسشىلىعى، سونداي- اق قازاق دياسپوراسى وكىلدەرى قاتىستى»، - دەدى سىرتقى ساياسات ۆەدومستۆوسىنان.