دۋباي قازاقستاندى تاۋەلسىزدىك كۇنىمەن ەرەكشە قۇتتىقتادى
14:35, 17 - جەلتوقسان 2019
دۋباي. قازاقپارات - دۋباي ەميراتى قازاقستاندىقتاردى تاۋەلسىزدىكتىڭ 28 جىلدىعىمەن ەرەكشە قۇتتىقتادى، دەپ حابارلايدى قازاقپارات.
«16- جەلتوقسان كۇنى الەمدەگى ەڭ بيىك عيمارات - دۋباي قالاسىنداعى بۋردج حاليفا قازاقستان تۋىنىڭ تۇسىنە بوياندى. امىرلىك تاراپتىڭ وسى باستاماسى ءوزارا تۇسىنىستىك، قۇرمەت جانە سەنىم رۋحىندا دامىپ كەلە جاتقان ەكىجاقتى قارىم-قاتىناستاردىڭ جوعارى دەڭگەيىن تاعى دا دالەلدەيدى»، - دەلىنگەن ق ر سىرتقى ىستەر مينيسترلىگىنىڭ اقپاراتىندا.