قازاقستان ادام دامۋى وتە جوعارى ەلدەر توبىنا كىردى – ب ۇ ۇ ەسەبى

نۇر-سۇلتان. قازاقپارات - بىرىككەن ۇلتتار ۇيىمىنىڭ دامۋ باعدارلاماسى (ب ۇ ۇ د ب) «ادام دامۋى جونىندەگى ەسەبىن ۇسىندى.

بۇل تۋرالى قازاقپارات قازاقستانداعى ب ۇ ۇ د ب باسپا ءسوز قىزمەتىنە سىلتەمە جاساپ حابارلايدى. اتالعان ەسەپتە، ەۋروپا مەن ورتا ازياداعى ورتاشا تابىسى بار ەلدەر، ونىڭ ىشىندە قازاقستان، بۇرىن-سوڭدى بولماعان جوعارى ءومىر ءسۇرۋ دەڭگەيىنە قول جەتكىزگەنى اتاپ وتىلگەن.

وسىعان قاراماستان، كليماتتىڭ وزگەرۋى مەن تەحنولوگيالىق تابىستار ايماقتاعى ەلدەردىڭ تەڭسىزدىكتى ازايتۋداعى ىلگەرىلەۋىن ايتارلىقتاي تومەندەتۋى مۇمكىن. قۇجاتقا سايكەس، ورتا توپتىڭ ازايۋى، بەيرەسمي جانە تۇراقسىز جۇمىسپەن قامتىلۋدىڭ جوعارى دەڭگەيى، الەۋمەتتىك قورعاۋداعى ولقىلىقتار، بىلىكتى جانە جاس جۇمىسشىلاردىڭ ەميگراتسيالانۋى، سونداي-اق زاڭ الدىنداعى تەڭسىزدىكتى قابىلداۋ وسى ايماقتا تەڭسىزدىك پروبلەمالارىن اسىرەسە شيەلەنىستىرەدى.

ادامداردىڭ ءومىر ءسۇرۋ دەڭگەيى جاقسارعانىنا قاراماستان تەڭسىزدىكتىڭ جاڭا تۇرلەرى پايدا بولۋدا. ولار تەحنولوگيا مەن بىلىمگە قول جەتىمدىلىكتىڭ بىركەلكى بولماۋىنان تۋىنداعان جانە كليمات داعدارىسىنا بايلانىستى شيەلەنەسۋدە.

ايماق ءوز ەنەرگياسىنىڭ 90 پايىزىن قازبالى وتىنداردان الادى، ال جەردىڭ 30 پايىزعا جۋىعى توزعان دەپ ەسەپتەلەدى. وسى ايماق عىلىمي زەرتتەۋلەرگە ارنالعان شىعىستاردىڭ دۇنيەجۇزىلىك كورسەتكىشى بويىنشا ورتاشا ورىندى يەلەنگەنىمەن، جوعارى بىلىكتى جانە تومەن بىلىكتى جۇمىسشىلاردىڭ جۇمىسپەن قامتىلۋ كوەففيتسيەنتى ە ى د ۇ ەلدەرىندەگى كورسەتكىشتەرىنەن الدەقايدا تومەن - وركەندەگەن ەلدەردە تەحنولوگيا تەز دامىپ كەلە جاتقان كەزدە بۇل پروبلەمانى شەشۋ قيىنداي تۇسەدى.

«تەڭسىزدىك الەۋمەتتىك كەلىسىمدى جانە ادامداردىڭ ۇكىمەتكە، ينستيتۋتتارعا جانە ءبىر- بىرىنە دەگەن سەنىمىن السىرەتەدى. بۇل ەكونوميكا مەن قوعامعا زيانىن تيگىزەدى. قازاقستان 1992 -جىلدان باستاپ ادام دامۋىنىڭ جوعارى دەڭگەيىنە قول جەتكىزدى. وسىعان قاراماستان، كليماتتىڭ وزگەرۋىنەن جانە تەحنولوگياعا بىركەلكى قول جەتىمدىلىكتەن تۋىنداعان تەڭسىزدىكتىڭ جاڭا تۇرلەرىن جويۋ ءۇشىن جاڭا شارالار قاجەت»، - دەدى ب ۇ ۇ د ب-نىڭ قازاقستانداعى تۇراقتى وكىلى ياكۋپ بەريش.

ەسەپتە ۇسىنىلعان ادامنىڭ دامۋ يندەكسى (ا د ي) بويىنشا ەلدەردىڭ رەيتينگىسىنە سايكەس، 2018 -جىلى قازاقستان 189-ەلدەردىڭ ىشىنەن 50-ورىنعا يە بولدى جانە ادام دامۋى وتە جوعارى ەلدەر توبىنا كىردى. 1990 -جىلدان 2018 -جىلعا دەيىنگى كەزەڭدە قازاقستانداعى  ا د ي ,5 عا، جان باسىنا شاققانداعى جالپى ۇلتتىق تابىس a,8 عا ءوستى.

28 جىل ىشىندە قازاقستاندا بالا تۋۋدىڭ ورتاشا ۇزاقتىعى 6,5 جاسقا، ورتاشا ءبىلىم ۇزاقتىعى 3,7 جىلعا، ءومىر ءسۇرۋ ۇزاقتىعى 2,9 جىلعا ارتتى.