ناتو قورعانىسقا بولەتىن قارجىنى ۇلعايتپاق
17:29, 06 - جەلتوقسان 2019
نۇ-سۇلتان. قازاقپارات- كەلەسى جىلى وداقتىڭ قورعانىس شىعىنى 130 ميلليارد دوللارعا ارتسا، 2024 -جىلى 400 ميلليارد دوللارعا ۇلعايتىلماق.
بۇل تۋرالى ناتو- نىڭ باس حاتشىسى يەنس ستولتەنبەرگ لوندونداعى سامميتتە ءمالىم ەتتى، دەپ حابارلايدى «حابار 24».
ۇيىم باسشىسى سونداي- اق وداق تاريحىندا العاش رەت قىتايدىڭ كۇشەيۋى جانە ونىمەن بايلانىستى سىن- قاتەرلەر تالقىلاناتىنىن جەتكىزدى. ستولتەنبەرگ بۇل قىتايدىڭ اسكەري مۇمكىندىگىنىڭ ارتۋىنا بايلانىستى ەكەنىن اتاپ ءوتتى.
ايتا كەتەيىك، وتكەن جىلى ناتو- نىڭ جالپى قورعانىس بيۋدجەتى 930 ميلليارد دوللاردى قۇراعان. سالىستىرمالى تۇردە الساق، بىلتىر رەسەيدىڭ اسكەري شىعىنى 46 ميلليارد دوللار بولدى.
www.24.kz