شاشتى بوياۋ مەن حيميالىق تۇزۋلەۋ ءسۇت بەزى قاتەرلى ىسىگىن تۋدىرۋى مۇمكىن

نۇر-سۇلتان. قازاقپارات - امەريكالىق عالىمدار شاش بوياۋى مەن شاشتى حيميالىق جولمەن تۇزۋلەۋدىڭ ءسۇت بەزى قاتەرلى ىسىگى قاۋپىن ارتتىراتىنىن انىقتادى.

زەرتتەۋ قورىتىندىسى International Journal of Cancer جۋرنالىندا جاريالاندى.

ماماندار 49709 ايەلدىڭ دەنساۋلىعىنا زەرتتەۋ جۇرگىزگەن. ناتيجەسى بويىنشا شاش بويايتىن ايەلدەردىڭ ءسۇت بەزى قاتەرلى ىسىگىنە شالدىعۋ قاۋپى قالعان شاش بويامايتىن ايەلدەردەن 9 پايىزعا كوپ بولعانى انىقتالدى.

«مۇندا قۇرامىندا كانسەروگەندەر مەن ەندوكرين جۇيەسىن بۇزاتىن زاتتار جايلى ايتىلىپ جاتىر. ال شاش ءتۇسىن ۋاقىتشا وزگەرتەتىن بوياۋلاردىڭ ەشقانداي قاۋپى جوق. سونداي- اق شاشتى حيميالىق جولمەن تۇزۋلەۋ دە ءسۇت بەزى قاتەرلى ىسىگىن ارتتىرادى. وسىنداي ءادىستى 5-6 اپتا قولدانعان ايەلدەردىڭ ونكولوگيالىق اۋرۋلارعا شالدىعۋ كورسەتكىشى 30 پايىزعا كوپ بولىپ شىقتى»، - دەلىنگەن زەرتتەۋدە.

عالىمدار ءسۇت بەزى قاتەرلى ىسىگىن الدىن الۋ ءۇشىن حيميالىق زاتتاردان اۋلاق بولۋعا كەڭەس بەرەدى.