بەس ايماقتا اۋا رايىنا بايلانىستى ەسكەرتۋ جاريالاندى
17:17, 04 - جەلتوقسان 2019
نۇر-سۇلتان. قازاقپارات - قازاقستاننىڭ بەس ايماعىندا ەسكەرتۋ جاريالاندى، دەپ حابارلايدى قازاقپارات توتەنشە جاعدايلار كوميتەتىنە سىلتەمە بەرىپ.
5- جەلتوقسان كۇنى نۇر-سۇلتان قالاسى مەن قاراعاندى، قىزىلوردا وبلىستارىندا تۇمان ءتۇسىپ، كوكتايعاق بولادى.
سولتۇستىك قازاقستان جانە قوستاناي وبلىستارىنىڭ كوپ بولىگىندە قار جاۋادى، كەي جەرلەرىندە جاياۋ بۇرقاسىن، تۇمان، كوكتايعاق بولۋى مۇمكىن.
ءى ءى م توتەنشە جاعدايلار كوميتەتى ازاماتتارعا اۋا رايىنىڭ وزگەرىستەرىن قالت جىبەرمەي، مەتەرولوگيالىق ەسكەرتۋلەر مەن س م س- حابارلامالارعا نازار سالىپ وتىرۋ كەرەكتىگىن ەسكەرتەدى.
اۆتوكولىك جۇرگىزۋشىلەرىنە جىلدامدىقتى ازايتىپ، الىس ساپارلاردى كەيىنگە قالدىرا تۇرعان ءجون.
«توتەنشە جاعدايعا تاپ بولساڭىز، «112» ءبىرىڭعاي قىزمەت كورسەتۋ نومىرىنە حابارلاسىڭىز» دەپ ءمالىم ەتتى كوميتەتتەن.