بەسىك جىرىنىڭ پايداسى
بۇل جايىندا امەريكاندىق بيولوگتار L. Dj.Milk پەن M. Milk مىناداي تاجەربيە جاساعان. ولار بەسىك جىرىن تىڭداۋ كەزىندە بوبەكتىڭ جۇرەك قاعىسىن تەكسەرەدى. قاراسا، ولاردىڭ جۇرەگى قالىپتى، ياعني ءبىر مينۋتتا 68-72 رەت سوققان. ءارى بالا بويىنان ەندورفيندەر، ياكي قۋانىش گورموندارى بولىنەتىنى بايقالادى. ال زاماناۋي مۋزىكادان ءسابيدىڭ جۇرەگى شامادان تىس قاتتى سوققان. ۇيقىسى بۇزىلىپ، ءوزىن قورعانسىز سەزىنگەن. ءتىپتى، رومانتيكالىق اۋەندەر تىڭداتۋ دا ورىنسىز.
ول بوبەكتىڭ سەزىم مۇشەلەرىنە قاتتى اسەر ەتىپ، شەكتەن تىس دامىتىپ جىبەرگەن. ەسەيگەندە ماحاباتقا تۇراقسىز، سەزىمگە جەڭىلتەك كەلۋى وسىنىڭ اسەرىنەن.
گەرمانيانىڭ عالىمدارى بەسىك جىرىنىڭ پايداسىن باسقا ءبىر قىرىنان اشىقتايدى. ولاردىڭ ايتۋىنشا بالا بەسىك جىرىن تىڭداعاندا ونىڭ اجار- كوركىنە جاۋاپ بەرەتىن گورمروندار جاقسى جەتىلەدى. اناسى ءالدي ايتقاندا كوڭىلىندەگى كوركەم يدەالدار مەن اسىل مۇراتتار، ارمان- تىلەكتەر بالانىڭ بولمىسىنا داريدى.
مەنىڭ بالام وسى ما؟
باسىندا باقىت قۇسى ما؟
عايىپ ەرەن، قىرىق شىلتەن،
بوبەگىمنىڭ دوسى ما؟
ءالدي ، ءالدي، ءالدي- اي،
ءالدي، ءالدي، ءالدي- اي !!! ءلا ءيلاھا يللاللا،
يللاللادا پايدا بار.
مۇحامبەتتىڭ ۇمبەتى
وسىنداي بالا قايدا بار؟
ءالدي، ءالدي، ءالدي-اي،
ءالدي، ءالدي، ءالدي-اي!!! بالام مەنىڭ جۇسىپتەي
بولار ما ەكەن كەلبەتتى؟
اجارىڭ ايداي تولسىن دەپ،
يللالالاپ تەربەتتىم
ءالدي، ءالدي، ءالدي- اي،
ءالدي، ءالدي، ءالدي- اي !!!
ىمىراننىڭ ۇلى مۇساداي،
دوسى بولعىن قۇدايدىڭ.
قىزىر ەرسىن قاسىنا
تاڭىردەن سونى سۇرايمىن.
ءالدي، ءالدي، ءالدي- اي،
ءالدي، ءالدي، ءالدي- اي !!!
عايساداي نۇر ءبىتىمىڭ
ساليح بولار ما ەكەنسىڭ؟
حاقتىن جولىن تانىعان
اريف بولار ما ەكەنسىڭ؟
ءالدي، ءالدي، ءالدي- اي،
ءالدي، ءالدي، ءالدي- اي !!!
ازىرەتى مۇحامبەت-
ءسارۋارى بولعان عالامنىڭ
راحماتىنىڭ تامشىسى-
نۇرىنان سەن جارلدىن.
ءالدي، ءالدي، ءالدي- اي،
ءالدي، ءالدي، ءالدي- اي!!!
ءتورت شاديار- دوستارىڭ،
جادىڭا توقى، قۇلىنىم.
نۇرلانىپ يمان- بوستانىڭ.
جۇزىڭنەن تامسىن شىرىنىڭ.
ءالدي، ءالدي، ءالدي-اي،
ءالدي، ءالدي، ءالدي-اي!!!
عايىپ ەرەن، قىرىق شىلتەن،
توقسان توعىز مىڭ ماشايىق.
سەكسەن سەگىز سەرۋلەر،
الديلەتىپ قوسايىق.
ءالدي، ءالدي، ءالدي-اي،
ءالدي، ءالدي، ءالدي-اي!!!