سەمىزدىك تە جۇقپالى بولىپ شىقتى - ونىڭ ىندەت ەكەنى راستالدى

نۇر-سۇلتان قازاقپارات - ادامعا اينالاسىنداعىلاردان ارتىق سالماعى بار دوستارى مەن تۋعان- تۋىستارى سانادان تىس دەڭگەيدە ءوز اسەرىن تيگىزەدى.

ياعني، ارتىق سالماق قوسقاندار توڭىرەگىندەگىلەردىڭ دە سەمىرۋىنە سەبەپ بولادى. الەمنىڭ ءار ەلىنەن جينالعان عالىمدار وسىنداي تۇجىرىمعا كەلىپ وتىر، سونىڭ ىشىندە اعىلشىنداردىڭ ۋوريك قالاسىنداعى ۋنيۆەرسيتەت عالىمدارى بۇل الەۋمەتتىك دەرتتى «يميتاتسيالىق سەمىرۋ» دەپ اتاپ وتىر.

عالىمدار وسى باعىتتا سەمىزدىك ىندەتى جايلاعان ەۋروپالىق ەلدەردەن 27 مىڭ ادامدى جان- جاقتى زەرتتەپ كورگەن ەكەن. دەسە دە سەمىزدىكتى زەردەلەۋ جونىندەگى بريتانيالىق ۇلتتىق ۇيىم جەتەكشىسى دەۆيد حاسلام اتالعان دەرتتىڭ تامىرى تەرەڭدە جاتقانىن، ياعني، الدەقايدا كۇردەلى سەبەبى بارىن العا تارتىپ وتىر.

ونىڭ ايتۋىنشا، سەمىزدىك ەڭ الدىمەن الەۋمەتتىك دەرت، ءباز بىرەۋلەر ايتىپ جۇرگەندەي قۇنارلى تاعام ونىمدەرى مەن قيمىل-قوزعالىسى از ءومىر سالتى ەمەس. دەسە دە قۇنارلى تاعام مەن قيمىل- قوزعالىسى از ءومىر سالتىنىڭ سەمىزدىككە باستى سەبەپشى بولىپ وتىرعانىن جوققا شىعارا المايسىز. ياعني، سەمىزدىك فيزيولوگيالىق ەمەس، الەۋمەتتىك پروبلەما. سەمىزدىك پروبلەماسىنىڭ ىندەت اتالۋىنا وسى الەۋمەتتىك سيپاتى قاپەرگە الىنىپ وتىر.

islam.kz