ەلىمىزدە شەتەلدەگى قازاق ءتىلدى ب ا ق-تاردىڭ قاۋىمداستىعىن قۇرۋ ۇسىنىلدى

نۇر-سۇلتان. قازاقپارات - قازاقستاندا شەتەلدەگى قازاق ءتىلدى ب ا ق-تاردىڭ قاۋىمداستىعىن قۇرۋ ۇسىنىلدى، دەپ حابارلايدى قازاقپارات ءتىلشىسى.

ايتا كەتسەك، قازىرگى ۋاقىتتا شەتەلدەردە قازاق ءتىلدى بۇقارالىق اقپارات قۇرالدارىنان موڭعوليادا «قازاقنيۋس» پورتالى، «شۇعىلا» جۋرنالى، «جاڭا ءداۋىر گازەتى»، بايان- ولگەي» ايماقتىق راديوسى جۇمىس ىستەپ تۇر. ال يراندا «پارستۋدەي» اقپاراتتىق اگەنتتىگىنىڭ قازاق ءبولىمى مەن قازاق راديوسى حابار تاراتسا، تۇركيادا «قازاق ەلى» جۋرنالى، رەسەيدە «ومبى قازاقتارى» مەن «اق ارنا» گازەتتەرى باسىلىپ شىعادى. سول سەكىلدى، وزبەكستاندا «نۇرلى جول» رەسپۋبليكالىق گازەتى، «كەنيمەح تاڭى» اۋداندىق گازەتى، ناۋاي تەلەراديوكومپانياسى، «التىن ايماق» باعدارلاماسى بار.

«بۇگىنگى پانەلدىك سەسسياعا 6 ەلدەن 12 ب ا ق (قازاق ءتىلدى) 17 وكىل قاتىسىپ وتىر. ءوز ەلىمىز بەن وڭىرلەرىمىزدەن دە وكىلدەر وتىر. شەتەلدەگى قازاق ءتىلدى ب ا ق-تاردىڭ بىرىگۋ باستاماسى بىلتىر شىققان. «وتانداستار» قورى مەن اقپارات جانە قوعامدىق دامۋ مينيسترلىگى وسى باستامانى قولدادى. وسى رەتتە شەتەلدەگى قازاق ءتىلدى ب ا ق- تاردىڭ قاۋىمداستىعىن قۇرۋ دەگەن يدەيانى ورتاعا سالعىمىز كەلەدى. بۇل - وتە قاجەتتى جانە زامانعا ساي جوبا. الەم ەلدەرىنە قاراساق، ورىس، ازەربايجان، ارميان ءتىلدى ب ا ق-تاردىڭ قاۋىمداستىقتارى بارشىلىق. تۇركى تىلدەس حالىقتاردا دا بار. سوندىقتان، بىزگە دە قازاق ءتىلدى ب ا ق-تاردىڭ قاۋىمداستىعىن قۇرىپ، بايلانىس ورناتۋعا بولادى. ءبىر-بىرىمىزگە وسىلايشا كومەك-قولداۋ بىلدىرە الامىز»، - دەدى اسقار ۋماروۆ «وتانداستار. بولاشاققا باعدار» حالىقارالىق دوڭگەلەك ۇستەلىنىڭ «شەت ەلدەردە قازاق تىلىندە جارىق كورەتىن ب ا ق-پەن بايلانىس: قازىرگى جاعداي جانە ىنتىماقتاستىق كەلەشەگى» اتتى پانەلدىك سەسسيادا.

ءوز كەزەگىندە «وتانداستار» ك ە ا ق ۆيتسە-پرەزيدەنتى ماعاۋيا سارباسوۆ وسىنداي باستاما كوتەرىپ وتىرعان «قازاقپارات» حالىقارالىق اقپارات اگەنتىگىنە العىسىن ءبىلدىردى.

«بىزگە قولداۋ كورسەتىپ، قاۋىمداستىق قۇرۋعا نيەت ءبىلدىرىپ وتىرعان «قازاقپارات» حالىقارالىق اقپارات اگەنتتىگىنە العىس ايتامىز. پىكىر الماسايىق. ۇسىنىستاردىڭ ءبارىن تىڭداعىمىز كەلەدى. شەتەلدەگى قانداستارىمىز قازاق تىلىندە وتەتىن باعدارلامالاردى ساعىنا كورىپ، تىڭدايتىندارىن ايتادى. البەتتە، وتە جاقسى باستاما»، - دەدى ول.

ەسكە سالا كەتسەك، ەلوردادا دۇنيە ءجۇزىنىڭ تۇكپىر-تۇكپىرىنەن كەلگەن قانداستاردىڭ قاتىسۋىمەن «وتانداستار. بولاشاققا باعدار» اتتى حالىقارالىق دوڭگەلەك ۇستەل ءوتىپ جاتىر.

اۆتور: ايان بەكەن ۇلى