مىسالى، ءىشىڭىزدى قىسىپ تۇراتىن شالبار نەمەسە مەتالل اكسەسسۋارلار ۇشاقتا ىڭعايسىزدىق تۋدىرۋى مۇمكىن. شاما كەلگەنشە مىناداي 10 كيىمدى ۇزاق جولعا كيىپ شىعۋدىڭ قاجەتى جوق.
1. ءىشتى قىساتىن شالبار
دجينس شالبار كۇندەلىكتى ءارى ىڭعايلى كيىم بولىپ سانالعانىمەن، ونى ۇزاق جولعا، اسىرەسە، ۇشاققا كيۋدىڭ قاجەتى جوق. كەز كەلگەن دجينس شالباردىڭ بەلى تىعىز بولىپ كەلەدى: ول ءىشتى قىسادى. وعان قوسا قىسىم وزگەرەتىندىكتەن، ءسال ءىسىنۋىڭىز مۇمكىن. سوندىقتان سپورتپەن اينالىسقاندا كيەتىن تريكو كيگەنىڭىز ءجون.
2. كومبينەزون
كومبينەزون ۇشاقپەن ۇشۋعا ارنالعان ىڭعايلى كيىم سەكىلدى كورىنەدى. ەش جەرىڭىزدى قىسپايدى جانە دەنەگە جابىسىپ تۇرمايدى. ءبىراق ونىڭ ءبىر ۇلكەن كەمشىلىگى - ونىمەن دارەتحاناعا بارۋ قيىن. سول سياقتى بودي جانە ىڭعايسىز ىلگەكتەرى بار كيىمدەردەن باس تارتقان ءجون.
3. اشىق-شاشىق كيىم
ۇشاقپەن ۇشۋعا اشىق- شاشىق كيىم تاڭداماعان ءجون. بىرىنشىدەن، مۇنداي كيىم ۇلگىسى اۆياكومپانيانىڭ ەرەجەلەرىنە قارسى كەلىپ، ءسىزدى ۇشاققا كىرگىزبەۋى ابدەن مۇمكىن. ەكىنشىدەن، ۇشاقتىڭ ىشىندە كونديتسيونەر قوسۋلى تۇرادى: ءبىر ورىندا ۇزاق وتىرعاندىقتان تونىپ قالاسىز. ۇشاقتاعى قاۋىپسىزدىك بەلدىگىنىڭ وزىندە ءتۇرلى باكتەريالار بولادى. ولاردىڭ اراسىندا تەرى اۋرۋىن قوزدىرعىشتار دا بولۋى مۇمكىن. بۇل ماسەلەنى دە ەسكەرىڭىز.
4. جاڭا اياق كيىم
ۇشاققا جاڭا اياق كيىمدى كيۋ دۇرىس شەشىم ەمەس. قىسىم وزگەرىسىنەن جانە ءبىر ورىندا ۇزاق وتىرعاننان اياعىڭىز ىسىنە باستايدى. سوزىلىپ ۇلگەرمەگەن جاڭا اياق كيىم ىسىنگەن اياعىڭىزدى قىسادى. ونىڭ ۇستىنە جاڭا اياق كيىم جالپى ىڭعايسىز بولىپ شىعۋى مۇمكىن. ونى كيىپ سىناپ كورمەگەندىكتەن، جاڭا اياق كيىمىڭىزدىڭ قانداي ەكەنىن ءالى بىلمەيسىز. سوندىقتان بۇرىننان كيىپ جۇرگەن ەڭ ىڭعايلى اياق كيىمىڭىزدى كيىپ الىڭىز.
5. مەتالل دەتالدار
ءار اۋەجايدا مەتالل دەتەكتورلار تۇرلىشە ورنالاستىرىلعان. ول قىستىرعىشتار، اشەكەيلەر، بەلدىكتەر مەن كيىمدەگى مەتالل بولشەكتەرگە دابىل قاعادى. ەگەر تەكسەرىستەن جىلدام وتكىڭىز كەلسە، تەمىر ىلگەكتەرى (دەتالدارى) بار كيىمدەر كيمەڭىز جانە ارتىق اكسەسسۋارلار تاقپاڭىز.
6. درەسس-كود
جاڭا اۆياكومپانيانىڭ قىزمەتىن پايدالانايىن دەپ جاتساڭىز، ونىڭ سايتىنا كىرىپ، شەكتەۋلەر تۋرالى وقىپ الىڭىز. مىسالى، كەي كومپانيالار قىسقا شورتى، لەگگينستەر نە وزگە كيىم كيگەن جولاۋشىلاردى ۇشاققا كىرگىزبەيدى.
7. بيىك وكشەلى اياق كيىم
بيىك وكشەلى اياق كيىمدى كۇندە كيىپ جۇرگەن بولساڭىز دا، ۇشۋ كەزىندە ونى وكشەسى جوق اياق كيىممەن اۋىستىرعان ءجون. بۇل جەردە ماسەلە ىڭعايلىلىقتا ەمەس، قاۋىپسىزدىكتە بولىپ تۇر. ۇشاقپەن ۇشۋ كەزىندە قاۋىپتى جاعدايلار ورىن الۋى ابدەن مۇمكىن. ەۆاكۋاتسيا كەزىندە باسقا جولاۋشىلارمەن بىرگە جىلدام قوزعالا المايسىز جانە اياق كيىمىڭىزدىڭ وكشەسى اپاتتىق وتىرعىزۋ كەزىندە قولدانىلاتىن ۇرمەلى قۇتقارۋشى باسقىشتى زاقىمداۋى دا مۇمكىن.
8. لوسينالار
لەگگينستەر، لوسينالار جانە اياققا قاتتى جابىسىپ تۇراتىن شالبار ۇزاق جولعا مۇلدەم كەلمەيدى. بيىكتىكتە قىسىمنىڭ وزگەرۋىنەن تار كيىم قان تامىرلارىن قىسادى.
9. اشىق سۇيرەتپە اياق كيىم
جولدا كەلەڭسىز وقيعا ورىن العان جاعدايدا اشىق سۇيرەتپە اياق كيىمدەر (مىسالى، ۆەتنامكالار) جىرتىلىپ قالۋى مۇمكىن، قوزعالىسىڭىزدى باياۋلاتادى جانە تابانىڭىزدى قورعامايدى. سوندىقتان ىڭعايلى اياق كيىمىڭىزدى پاكەتكە سالىپ الىپ، اياعىڭىزعا جابىق اياق كيىم كيىڭىز.
10. ەكسپرەسسيۆتى پىكىرلەر جازىلعان كيىمدەر
ۇشاققا ارانداتۋشىلىق ماندەگى نەمەسە ءدىني ۇراندار مەن ادامعا ءتىل تيگىزەتىن سوزدەر جازىلعان جەيدەلەر كيمەڭىز.
Massaget.kz