ورتالىق ازيا باسشىلارىنىڭ كەڭەسىنەن نە كۇتەمىز - وزبەك ساراپشىسى ايتىپ بەردى

تاشكەنت. قازاقپارات - ورتالىق ازيا باسشىلارىنىڭ كونسۋلتاتيۆتىك كەزدەسۋىنەن نە كۇتۋگە بولاتىنىن «قازاقپارات» ح ا ا مەنشىكتى تىلشىسىنە «ءبىلىم كەرۋەنى» مەملەكەتتىك ەمەس عىلىمي- ءبىلىم بەرۋ مەكەمەسىنىڭ باسشىسى فارحاد تاليپوۆ ايتىپ بەردى.

«كوپجىلدىق ۇزىلىستەن كەيىن بىلتىر ورتالىق ازيا مەملەكەتتەرىنىڭ باسشىلارى نۇر-سۇلتاندا العاشقى كونسۋلتاتيۆتىك كەزدەسۋدە باس قوستى. وسىنىڭ ءوزى ماڭىزى زور وقيعا بولدى. ويتكەنى 2005-206 -جىلداردان بەرى وڭىردەگى ينتەگراتسيالىق پروتسەستەر توقتاپ قالعان ەدى. دەگەنمەن بۇل كەزدەسۋ كەڭەسۋ سيپاتىنا يە، ول قوردالانعان وڭىرلىك ماسەلەلەر جايلى پىكىر الماسۋعا جانە ورتاق ديالوگ قۇرۋعا قىزمەت ەتەدى»، - دەيدى ف. تاليپوۆ.

ساراپشى ورتالىق ازيا ديالوگىن ينستيتۋتقا اينالدىرۋ پروتسەسىن باستاۋ، ياعني كونسۋلتاتيۆتىك كەزدەسۋلەر فورماتىنان تولىققاندى رەسمي سامميتتەرگە كوشۋ قاجەتتىگىن ايتتى.

«كونسۋلتاتيۆتىك كەزدەسۋلەر دامۋى ءتيىس. وسى تۇرعىدان العاندا، ورتالىق ازيا ەلدەرىنىڭ باسشىلارى 2005 -جىلى توقتاپ قالعان ورتالىق ازيا ىنتىماقتاستىعىنىڭ قىزمەتىن جانداندىرۋ ماسەلەسىن قوزعاعانى ءجون بولۋشى ەدى. مەنىڭشە، مۇنداي قۇرىلىمدى جانداندىرۋدىڭ وڭىردەگى بارلىق ەل ءۇشىن ستراتەگيالىق ماڭىزى زور»، - دەدى ساراپشى.

ەسكە سالا كەتەيىك، ورتالىق ازيا ەلدەرى باسشىلارىنىڭ العاشقى كونسۋلتاتيۆتىك كەزدەسۋى 2018 -جىلدىڭ ناۋرىزىندا نۇر-سۇلتان قالاسىندا وتكەن. ەكىنشى كەزدەسۋ 29 -قاراشا كۇنى تاشكەنتتە وتەدى.

اۆتورى ميراس قۋاندىقوۆ