قازاقستان ورتالىق ازياداعى قۇس جولىن ساقتاۋ جوبالارىن ۇيلەستىرەتىن بولدى

لوناۆالا. قازاقپارات - ءۇندىستاننىڭ ماحاراشترا شتاتىنداعى لوناۆالا قالاسىندا 18-22 -قاراشا كۇندەرى سۋلى- باتپاقتى ايماقتار مەن ونى مەكەندەيتىن قۇستاردى ساقتاۋعا ارنالعان حالىقارالىق كونفەرەنسيا ءوتتى، دەپ حابارلايدى قازاقپارات قازاقستان بيوالۋانتۇرلىلىكتى ساقتاۋ قاۋىمداستىعىنا سىلتەمە جاساپ.

جيىندا ورتالىق ازياداعى قۇس جولىندا (Central Asian Flyway - CAF) ىسكە اسىرىلاتىن تابيعاتتى قورعاۋ جۇمىستارىنىڭ ماڭىزىنا ەرەكشە نازار اۋدارىلدى.

بومبەيدىڭ تابيعات تاريحى قوعامى (ءۇندىستان) مەن ق ب س ق (قازاقستان) ورتالىق ازياداعى قۇس جولى جونىندەگى باستامالارعا (cafі) قاتىسۋشى ەلدەردىڭ ارەكەتتەرىن سونىمەن قاتار، وڭتۇستىك ازيا مەن ورتالىق ازياداعى جوبالاردى ۇيلەستىرەتىن بولدى. قازاقستان اتىنان ق ب س ق اتقارۋشى ديرەكتورى ۆەرا ۆورونوۆا، قاۋىمداستىقتىڭ عىلىمي قىزمەتكەرى رۋسلان ورازالييەۆ ءسوز سويلەدى.

كونفەرەنسياعا 200 دەن استام ادام قاتىستى. ورتالىق ازيادان قازاقستان، تۇرىكمەنستان (ەلدار رۇستەموۆ)، وزبەكستان (ولەگ كاشكاروۆ) وكىلدەرى دە قاتىستى. شارانى بومبەيدىڭ تابيعات تاريحى قوعامى (Bombay Natural History Society) ۇيىمداستىردى.