قار، بۇرقاسىن، كوكتايعاق - سەيسەنبىگە ارنالعان اۋا رايى

رەسپۋبليكانىڭ سولتۇستىك، ورتالىق جانە شىعىس اۋماقتارىندا اتموسفەرالىق فرونتالدى بولىكتەردىڭ وتۋىمەن قۇبىلمالى اۋا رايى ساقتالادى. كەي جەرلەردە قار جاۋادى، كوكتايعاق، جاياۋ بۇرقاسىن بولادى، شىعىستا - جەل كۇشەيەدى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن، تۇمان كۇتىلەدى، جەل 15-20 م/س كۇشەيەدى. قوستاناي، قاراعاندى وبلىستارىنىڭ كەي جەرلەرىندە جاياۋ بۇرقاسىن، تۇمان كۇتىلەدى، قاراعاندى وبلىسىندا كوكتايعاق كۇتىلەدى.

اقمولا، جامبىل، تۇركىستان، قىزىلوردا، اتىراۋ، باتىس قازاقستان، اكتوبە، سولتۇستىك قازاقستان، پاۆلودار، تۇندە الماتى وبلىستارىنىڭ كەي جەرلەرىندە تۇمان تۇسەدى.