ەلباسى نۇروتاندىقتارعا توقايەۆتىڭ اينالاسىنا بىرىگۋ قاجەتتىلىگىن ەسكە سالدى

نۇر-سۇلتان. قازاقپارات - ەلباسى نۇرسۇلتان نازاربايەۆتىڭ قاتىسۋىمەن Nur Otan پارتياسىنىڭ كەڭەسى ءوتىپ جاتىر، دەپ حابارلايدى قازاقپارات ق ر تۇڭعىش پرەزيدەنتى - ەلباسىنىڭ باسپا ءسوز حاتشىسى ايدوس ۇكىبايعا سىلتەمە جاساپ.

بۇگىن نۇرسۇلتان نازاربايەۆ Nur Otan پارتياسىنىڭ وڭىرلىك فيليالدارى وكىلدەرىنىڭ قاتىسۋىمەن كەڭەس وتكىزۋدە.

«جيىن بارىسىندا ءسوز العان ەلباسى پارتيا مۇشەلەرىنە قازاقستان پرەزيدەنتى قاسىم-جومارت توقايەۆتىڭ اينالاسىنا بىرىگۋدىڭ قاجەتتىلىگىن جانە ساياسي باعىتتىڭ ساباقتاستىعىن جالعاستىرۋدى قايتادان ەسكە سالدى»، دەپ جازدى ايدوس ۇكىباي Twitter - دەگى پاراقشاسىندا.