اتىراۋدا ءدامحانادا يرلانديالىق ازاماتتى ۇرىپ كەتتى
07:45, 25 - قاراشا 2019
اتىراۋ. قازاقپارات - اتىراۋدا يرلانديا ازاماتىن ۇرىپ-سوققان كۇدىكتى جەرگىلىكتى تۇرعىن ۇستالدى، دەپ حابارلايدى قازاقپارات ءتىلشىسى.
توبەلەس ءدامحانالاردىڭ بىرىندە بولعان. 35 جاستاعى اتىراۋ تۇرعىنى بەلگىسىز سەبەپتەرمەن 33 جاستاعى يرلانديا ازاماتىن ۇرىپ-سوققان. توبەلەستى كورگەن ءدامحاناداعى قوناقتار پوليتسيا مەن جەدەل جاردەم بريگاداسىن شاقىرعان. دارىگەرلەر شەتەلدىككە موينى زاقىمدالىپ، ءتۇرلى جاراقات الدى دەگەن دياگنوز قويدى، الايدا ول اۋرۋحاناعا جاتۋدان باس تارتتى.
«پوليتسيا شەتەلدىكتى جاراقاتتاعان كۇدىكتىنى ۇستادى. ساراپتاما تاعايىندالىپ، ق ر ق ك 107-بابى (دەنساۋلىققا قاساقانا اۋىرلىعى ورتاشا زيان كەلتىرۋ) بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر»، - دەپ ءتۇسىندىردى اتىراۋ وبلىستىق پوليتسيا دەپارتامەنتىنەن.