قازالىدا مال ۇرلاعان ايەلدەر قولعا ءتۇستى
قىزىلوردالىق پوليتسەيلەر قازالى اۋدانى ماڭىنداعى مال جايىلىمىنان جىلقى ۇرلاپ، سول جەردە سويىپ جاتقان جەرىنەن تورەتام كەنتىنىڭ 4 تۇرعىنىن ۇستادى.
«ولار جايىلىمدا جۇرگەن مالدى ۇرلاعان. كۇدىكتىلەر بۇعان دەيىن دە مال ۇرلىعىمەن اينالىسىپ كەلگەن. تەرگەۋ بارىسىندا ولاردىڭ وسى تەكتەس 5 مال ۇرلىعى دەرەگىنە قاتىسى بار ەكەندىگى انىقتالدى.
وقيعا ورنىندا ۇستالعانداردىڭ 2 ايەل ادام. كۇدىكتىلەر ءوز ارەكەتتەرىن تولىعىمەن مويىندادى. وقيعا ورنىندا ايعاق زاتتار الىندى. اتالعان دەرەك بويىنشا ق ر قىلمىستىق كودەكسىنىڭ 188-بابىنىڭ 3-بولىگىمەن سوتقا دەيىنگى تەرگەپ- تەكسەرۋ امالدارى جۇرگىزىلۋدە. ۇستالعاندارعا قاماققا الۋ تۇرىندەگى بۇلتارتپاۋ شاراسى قولدانىلدى»، - دەپ حابارلايدى قىزىلوردا وبلىستىق پوليتسيا دەپارتامەنتىنىڭ باسپا ءسوز قىزمەتى.
بۇعان دەيىن بايقوڭىردا پوليتسيا قىزمەتكەرىنە كۇش قولدانعان ازامات سوتتالعانىن حابارلاعان بولاتىنبىز.
اۆتور: ءادىلجان ۇمبەت