قاسىم-جومارت توقايەۆتىڭ شاقىرۋىمەن شۆەيتساريا پرەزيدەنتى قازاقستانعا رەسمي ساپارمەن كەلەدى
«21-22- قاراشادا مەملەكەت باسشىسى قاسىم-جومارت توقايەۆتىڭ شاقىرۋىمەن قازاقستان رەسپۋبليكاسىنا شۆەيتساريا كونفەدەراتسياسىنىڭ پرەزيدەنتى - قارجى ءمينيسترى ۋلي ماۋرەر رەسمي ساپارمەن كەلەدى. شۆەيتساريالىق دەلەگاتسيانىڭ قۇرامىندا بيزنەس وكىلدەرى دە بولادى.
22- قاراشادا مەملەكەتتەر باسشىلارى «اقوردا» رەزيدەنتسياسىندا شاعىن جانە كەڭەيتىلگەن قۇرامدا كەلىسسوزدەر وتكىزەدى دەپ جوسپارلانعان. كەلىسسوزدەر بارىسىندا ساياسي، ساۋدا-ەكونوميكالىق، ينۆەستيتسيالىق جانە گۋمانيتارلىق سالالار بويىنشا ەكىجاقتى ىنتىماقتاستىقتىڭ احۋالى مەن پەرسپەكتيۆالارى تالقىلانادى»، - دەپ جازدى بەرىك ءۋالي ءوزىنىڭ الەۋمەتتىك جەلىدەگى پاراقشاسىندا.
ساپار اياسىندا ۋلي ماۋرەر قازاقستان ۇكىمەتىنىڭ باسشىلىعىمەن كەزدەسەدى جانە ەكى ەلدىڭ ىسكەرلىك توپتارىنىڭ قاتىسۋىمەن وتەتىن «دوڭگەلەك ۇستەلدە» ءسوز سويلەيدى دەپ جوسپارلانعان.