ە. تۇرعىمبايەۆ: باس پروكۋراتۋراعا تۇسكەن شاعىمدى ىشكى ىستەر مينيسترلىگى قاراپ جاتىر

نۇر-سۇلتان. قازاقپارات – ق ر ىشكى ىستەر ءمينيسترى ەرلان تۇرعىمبايەۆ باس پروكۋراتۋرانىڭ ارنايى پروكۋرورلار قىزمەتىنىڭ بۇرىنعى باسشىسى ولەسي كەكسەلدىڭ نە ءۇشىن تەرگەلىپ جاتقانىن ايتتى، دەپ حابارلايدى قازاقپارات ءتىلشىسى.

«باس پروكۋراتۋراعا ءبىر ازاماتتان شاعىم ءتۇستى. ول شاعىمىندا وزىنە قاتىستى تەرگەۋ بارىسىندا باس پروكۋراتۋرانىڭ ارنايى پروكۋرورلار قىزمەتىنىڭ بۇرىنعى باسشىسى كەكسەلدىڭ تاراپىنان تۇسىنىك بەرۋ بولىگىندە تەرگەۋگە جاتپايتىن ءادىستى قولدانعانىن ايتقان»، - دەدى ق ر ىشكى ىستەر ءمينيسترى ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

ونىڭ اتاپ وتۋىنشە، اتالعان شاعىم تەرگەۋ ءۇشىن ىشكى ىستەر مينيسترلىگىنە بەرىلگەن.

«قازىرگى ۋاقىتتا تەرگەۋ دەپارتامەنتى تاراپىنان جۇمىستار جۇرگىزىلىپ جاتىر. كەكسەلگە ايىپ تاعىلعان جوق، بۇلتارتپاۋ شاراسى دا قولدانىلمادى. ول تەرگەۋ امالدارىنان جاسىرىنىپ جۇرگەن جوق»، - دەدى ە. تۇرعىمبايەۆ.

اۆتور: مارلان جيەمباي