كۇزدىڭ سوڭعى ايىندا وكپە قابىنۋىنىڭ الدىن الۋ ءۇشىن نە ىستەۋ كەرەك
وسى كەزەڭدە پنەۆمونيا دا(وكپە قابىنۋى) ءورشىپ كەتۋى مۇمكىن، دەپ حابارلايدى قازاقپارات قوعامدىق دەنساۋلىق ساقتاۋ ۇلتتىق ورتالىعىنىڭ باسپا ءسوز قىزمەتىنە سىلتەمە جاساپ.
«پنەۆمونيا - بۇل وكپە ءتىنىنىڭ قابىنۋى، ول نەگىزىنەن الۆەولالارعا اسەر ەتەدى جانە ولارداعى قابىنۋ سۇيىقتىعىن دامىتادى. اۋرۋدىڭ باستالۋى دەنە قىزۋىنىڭ جوعارىلاۋىمەن، كەۋدەنىڭ اۋىرۋىمەن، قاقىرىقتىڭ مول بولىنۋىمەن سيپاتتالادى. دياگنوستيكانىڭ نەگىزگى ءادىسى - فليۋوروگرافيا، وكپەنىڭ رەنتگەنوگرافياسى. بۇل ارقىلى قارا جارىقتار مەن قاقىرىق داقتارىن كورۋگە بولادى»، - دەيدى ورتالىق ماماندارى.
پنەۆمونيانىڭ الدىن الۋ ءۇشىن ءۇي-جايدى ۇنەمى جەلدەتىپ وتىرۋ، تۇرعىن ءۇيدى تازا ۇستاۋ كەرەك.
«قوزعالىس رەجيمىن ساقتاۋ كەرەك. تازا اۋادا سەرۋەندەۋمەن بىرگە قالىپتى فيزيكالىق جۇكتەمەلەر اۋىرىپ قالۋ مۇمكىندىگىن تومەندەتەدى. زياندى ادەتتەردەن باس تارتىپ، قالىپتى دەنە جۇكتەمەلەرىمەن تولىققاندى دەمالىستى اۋىستىرۋ كەرەك جانە قاتتى سالقىنداۋدان ساق بولۋ قاجەت. سونداي-اق، تىنىس الۋ ورگاندارىنىڭ سوزىلمالى اۋرۋلارىن ەمدەۋ كۋرسىنان ۋاقىتىندا ءوتۋ وتە ماڭىزدى»، - دەيدى ق د س ۇ و باسپا ءسوز قىزمەتى.
قازاقستاندا كەڭ تارالعان اۋرۋلارعا قارسى بارلىق بەلگىلى ۆاكسينالار بار، سونىڭ ىشىندە ەڭ وزىق 13 - ۆالەنتتى پنيەۆموككتى ينفەكسياعا قارسى ۆاكسينا، ول 13 اسا پاتوگەندى سەروتيپتەردى، ياعني پنيەۆموككتى قامتيدى.
اۆتور: زارينا قاھارمان