ا ق ش-تىڭ بىلىكتى دارىگەر ماماندارى تۇركىستانعا كەلدى
ەكى ەل دارىگەرلەرىنىڭ تاجىريبە الماسۋ ساباقتارى №2-وبلىستىق پەريناتالدىق ورتالىعى مەن ورداباسى اۋداندىق اۋرۋحانا بازاسىندا ءوتتى.
شەتەلدىك ماماندار ناۋقاستىڭ جۇرەك قاعىسىن قالپىندا ۇستاپ، دەر كەزىندە دارىگەرلىك كومەك بەرۋ جولدارىن كورسەتتى. ءوز تاجىريبەسىمەن بولىسكەن دارىگەرلەردىڭ ءبىرى ءارى تانىمال ساراپشى II ريچارد چارلس ۋيلكينسون وڭىرگە وسىمەن ەكىنشى رەت كەلىپ وتىر.
تۇركىستان وبلىستىق قوعامدىق دەنساۋلىق باسقارماسىنىڭ شاقىرتۋىمەن كەلگەن كاسىبي مامان ءارى ۇزدىك جاتتىقتىرۋشى جەدەل جانە جەتىلدىرىلگەن تاكتيكالىق شۇعىل مەديتسينالىق كومەك سالاسىنداعى ءادىس- تاسىلدەرىن ۇيرەتتى. ماسەلەن، جۇرەك توقتاپ، ادام ومىرىنە قاۋىپ تونگەن جاعدايدا دەرەۋ قۇتقارىپ قالۋ مەديتسينا قىزمەتكەرلەرىنە ارتىلعان ۇلكەن جاۋاپكەرشىلىك سانالادى.
ءوز كەزەگىندە كاسىبي بىلىكتىلىكتەرىن ارتتىرعان تۇركىستاندىق دارىگەرلەر شەتەلدىك ارىپتەستەرىنە العىستارىن ءبىلدىردى. ولارعا سەمينارعا قاتىسقاندارىن راستايتىن سەرتيفيكاتتار تابىستالدى.
اۆتور: اينۇر اقبايەۆا