كوزبوياۋشىلىقتى قويۋ كەرەك - قاسىم-جومارت توقايەۆ
«ءبىز بوس اۋرەلەنىپ، كوزبوياۋشىلىقپەن اينالىسپاۋىمىز كەرەك. جاڭا مەملەكەتتىك يندۋستريالدى-يننوۆاتسيالىق باعدارلاما دايارلاۋ كەزىندە الدىڭعى باعدارلامالاردىڭ قاتەلىگىن ەسكەرگەن ابزال. جەڭىستەرىمىز جايلى ەسەپتىڭ قاجەتى جوق. شىنايى تالداۋ مەن ءتيىمدى ارەكەتتەر كەرەك»، - دەدى قاسىم-جومارت توقايەۆ مەملەكەت باسشىسى قاسىم-جومارت توقايەۆ اقمولا وبلىسىن دامىتۋ ماسەلەلەرى جونىندەگى كەڭەستە.
پرەزيدەنت سونىمەن قاتار، ۇكىمەت پەن پارلامەنت دەپۋتاتتارىنىڭ، وبلىس اكىمدەرىنىڭ مىندەتى - ەلباسىنىڭ ۇزاق مەرزىمدى ستراتەگياسى، ۇلت جوسپارى مەن بەس ينستيتۋتسيونالدىق رەفورمانى تولىققاندى جۇزەگە اسىرۋ ەكەنىن ەسكە سالدى.
«تەك سوندا عانا تەگەۋرىندەر مەن قيىندىقتاردى ەڭسەرە الامىز»، - دەدى ول.
ەسكە سالا كەتەيىك، پرەزيدەنت قاسىم-جومارت توقايەۆ رەسمي ساپارمەن اقمولا وبلىسىندا ءجۇر.