استانا تەلەارناسىنداعى ءار باعدارلاما اباي شىعارماشىلىعىمەن ۇشتاستىرىلماق
08:25, 12 - قاراشا 2019
نۇر-سۇلتان. قازاقپارات - «استانا» تەلەارناسى جاڭا ماۋسىمىن باستادى.
ەندى ءار باعدارلامانىڭ روليكتەرى ابايدىڭ شىعارماشىلىعىمەن ۇشتاستىرىلاتىن بولادى، دەپ حابارلايدى قازاقپارات.
«اباي الەمى - اقىلدىڭ كەنى!» «استانا» ارناسى وسىنداي ۇرانمەن ۇلى اقىننىڭ 175 جىلدىق مەرەيتويىن اتاپ ءوتۋدى باستاپ كەتتى. وسىلايشا، ارنا ۇجىمى اباي شىعارمالارىن جاس ۇرپاق بويىنا سىڭىرۋگە، قادىر-قاسيەتىن تۇسىندىرۋگە اتسالىسپاق. سەبەبى، ءوزى ولسە دە، ارتىندا ولمەيتۇعىن ءىز قالدىرعان اقىن شىعارماشىلىعى حالىق جۇرەگىنەن ەش وشپەك ەمەس»، - دەلىنگەن تاراتىلعان حابارلامادا.
اتاپ وتىلگەندەي، 11 -قاراشادان باستاپ تەلەارنا جاڭا فورماتتى ىسكە قوستى. ياعني، ستيليستيكاسى وزگەردى. لوگوتيپى مەيلىنشە قاراپايىم ءارى تارتىمدى ۇلگىگە اۋىستىرىلىپ، ءار باعدارلامانىڭ روليكتەرى حاكىم ابايدىڭ شىعارماشىلىعىنا بايلانىستىرىلىپ، كورەرمەن نازارىنا ۇسىنىلاتىن بولادى.