بۇل تۋرالى ا ق ش مەملەكەتتىك حاتشىسى مايك پومپەو Twitter- دەگى پاراقشاسىندا جازدى، دەپ حابارلايدى قازاقپارات.
كەلىسىمنەن شىعۋ پروتسەسى 5- قاراشا كۇنى باستالدى. پومپەونىڭ ايتۋىنشا، ا ق ش اتموسفەراعا تۇسەتىن زياندى قالدىقتاردى ازايتۋ بويىنشا الەمدىك كوشباسشىلىعىن ماقتان تۇتادى.
حالىقارالىق بۇقارالىق اقپارات قۇرالدارىنىڭ حابارلاۋىنشا، ا ق ش مەملەكەتتتىك دەپارتامەنتى ب ۇ ۇ- نا كەلىسىمنەن شىعاتىنى تۋرالى رەسمي حابارلاندىرۋ جىبەرگەن. بۇل پروتسەسس ءبىر جىلعا سوزىلادى.
ايتا كەتۋ كەرەك، ا ق ش پرەزيدەنتى دونالد ترامپ 2017-جىلى ماۋسىم ايىندا ا ق ش پاريج كەلىسىمىنەن شىعاتىنىن مالىمدەگەن ەدى. ونىڭ ايتۋىنشا، بۇل قۇجات امەريكالىق كومپانيالارعا جانە سالىق تولەۋشىلەرگە بۇلىڭعىر ەكونوميكالىق مىندەتتەر جۇكتەيدى. ترامپ ۆاشينگتون بۇل كەلىسىمگە ءتيىمدى شارتتارمەن كەيىن قايتا قوسىلۋى مۇمكىن ەكەنىن ايتقان ەدى.
كليماتتىڭ وزگەرۋى تۋرالى كەلىسىمگە 2015-جىلى قول قويىلدى. ونى 197 مەملەكەت قولدادى. قۇجاتتىڭ ماقساتى — جاھاندىق ورتاشا تەمپەراتۋرانى ەكى گرادۋس تسۋلسيدەن اسىرماۋ. بۇل قۇجاتقا قول قويعان كەزدە ا ق ش 2025-جىلعا قاراي پارنيكتىك گازداردىڭ كولەمىن 2005-جىلمەن سالىستىرعاندا 26 پايىزعا ازايتۋ مىندەتىن العان ەدى.