بريتانيا شوتلانديانى كورولدىكتەن «بولەك شىعارعىسى» كەلمەيدى

نۇر-سۇلتان. قازاقپارات –ۇلى بريتانيا پرەمەر- ءمينيسترى شوتلانديانىڭ تاۋەلسىزدىك تۋرالى جاڭا رەفەرەندۋم وتكىزۋىنە جول بەرمەيتىنىن ايتتى.

 بۇل تۋرالى بوريس دجونسون «سكاي نيۋس» تەلەارناسىنا بەرگەن سۇحباتىندا مالىمدەدى.

نەگىزى شوتلانديانىڭ ءبىرىنشى ءمينيسترى نيكولا ستەردجەن وسى ماسەلەنى بۇعان دەيىن تالاي مارتە كوتەرگەن بولاتىن. ەندى ول جىل سوڭىنا دەيىن لوندوننان رەفەرەندۋم وتكىزۋگە رۇقسات بەرۋىن تالاپ ەتپەك.

 ايتا كەتكەن ءجون، شوتلانديانىڭ  ۇلى بريتانيادان تاۋەلسىزدىك الۋى تۋرالى رەفەرەندۋم 2014 -جىلى وتكەن ەدى. ساياسي شارا قورىتىندىسى بويىنشا داۋىس بەرگەندەردىڭ 55 پايىزى بۇعان قارسى بولىپ شىققان. ءبىراق قازىر شوتلانديالىقتاردىڭ كوبى برەكزيتتى قولدامايتىندارىن ايتىپ كەلەدى. ياعني ەۋرووداق قۇرامىنان شىققىلارى جوق.

www.24.kz