بايقوڭىردا قازاقستان جانە رەسەي ماماندارى «قۇلاعان» راكەتانىڭ قالدىقتارىن ىزدەدى
«بايقوڭىر» كەشەنىندەگى ق ر پرەزيدەنتىنىڭ ارنايى وكىلدىگىنىڭ اپپاراتىنان ءمالىم ەتكەندەي، قىزىلوردا وبلىسىنىڭ قارماقشى اۋدانىندا وتكەن كوماندالىق- شتابتىق وقۋ-جاتتىعۋىنا «روسكوسموس» مەملەكەتتىك كورپوراتسياسىنىڭ، رەسەي توتەنشە جاعدايلار مينيسترلىگى ورتكە قارسى ارنايى باسقارماسىنىڭ، رەسەيدىڭ فەدەرالدىق مەديتسينالىق-بيولوگيالىق اگەنتتىگىنىڭ، قازاقستاندىق «عارىش ەكولوگيا» رەسپۋبليكالىق مەملەكەتتىك كاسىپورنىنىڭ، قىزىلوردا وبلىستىق توتەنشە جاعدايلار دەپارتامەنتى مەن جەرگىلىكتى اتقارۋشى ورگانداردىڭ وكىلدەرى قاتىستى.
جاتتىعۋعا قاتىسۋشىلار زىمىران- تاسىعىش فراگمەنتتەرى قۇلاعان اۋماقتى ىزدەپ تاۋىپ، وعان كۇزەت قويدى، ەكولوگتار اۋا مەن توپىراقتان سىنامالار الدى، زاقىمدانعان اۋماقتىڭ كولەمىن انىقتاپ، توپىراقتى ۋىتسىزداندىرۋمەن جانە قالپىنا كەلتىرۋمەن اينالىستى.
سونداي-اق حالىقتى ەۆاكۋاتسيالاۋ، اۋىلشارۋاشىلىق جانە ءۇي جانۋارلارىن ديسپانسەريزاتسيالاۋ بويىنشا ءىس- قيمىلدار پىسىقتالدى.
روسكوسموس تاراپىنان جاتتىعۋعا قاتىسقان «يۋجنىي» عارىش ورتالىعىنىڭ جەرۇستى ىزدەۋ توبى - بۇل «بايقوڭىر» ايلاعىنان عارىشتىق ماقساتتاعى زىمىراندى ۇشىرۋ الدىندا فيليال بولىمشەلەرىنىڭ قىزمەتكەرلەرىنەن جاساقتالاتىن شتاتتان تىس اپاتتىق- قۇتقارۋ قۇرىلىمىنىڭ ءبىر بولىگى. توپتىڭ مىندەتى - اپات بولعان جاعدايدا ۇشۋ تراسساسى بويىمەن عارىش ايلاعىنان 150 شاقىرىمعا دەيىنگى قاشىقتىقتا زىمىران- تاسىعىشتىڭ قۇلاعان فراگمەنتتەرىن ىزدەۋ.
«بايقوڭىردان» جاسالعان ۇشىرىلىمدار ءساتسىز وتكەن جاعدايدا شۇعىل توپ قۇرىلادى. توپتىڭ جۇمىسى - زىمىران- تاسىعىش فراگمەنتتەرى قۇلاعان جەردە ءبىرىنشى كەزەكتەگى ءىس- شارالاردى ۇيىمداستىرۋ جانە قازاقستان رەسپۋبليكاسىنىڭ بيلىك ورگاندارىمەن ءوزارا ارەكەت ەتۋ.
ال «عارىش ەكولوگيا» عىلىمي- زەرتتەۋ ورتالىعى» ر م ك- نىڭ نەگىزگى فۋنكسياسى زىمىران- عارىشتىق قىزمەتتىڭ قورشاعان ورتاعا جانە ق ر حالقىنا زياندى اسەرىن ازايتۋ ءۇشىن باعالاۋ، بولجاۋ جانە ۇسىنىمدار ازىرلەۋ بويىنشا جۇمىستاردى ۇيىمداستىرۋ جانە وتكىزۋ بولىپ تابىلادى.
اۆتورى سارا قابي قىزى
اۋدارما: ميرا تولەندى قىزى