الەمدەگى قانداي كورىكتى نىساندارعا جويىلىپ كەتۋ قاۋپى ءتوندى
World Monuments Watch تىزىمىنە ەنگەن نىسانداردىڭ اراسىندا 2019-جىلدىڭ 15- ساۋىرىندە ورتتەن زارداپ شەككەن فرانسياداعى پاريج قۇداي انانىڭ (نوتر-دام-دە-پاري) شىركەۋى، كۋسكو قالاسىنداعى اۋەجايدىڭ قۇرىلىسىنان قاۋىپ تونگەن پەرۋدەگى ۋرۋبامبا (ينكتەردىڭ قاسيەتتى دالاسى) بار. ودان بولەك، تىزىمنەن چيليدەگى راپانۋي (پاسحي ارالى) ۇلتتىق پاركىن، گرۋزياداعى تۋشەتي ۇلتتىق پاركىن، موڭعوليا استاناسى ۇلانباتىرداعى چويدجين-لاما مۋزەي-حرامىن، جاپونيانىڭ يۆاماتسۋ اۋدانىن، پاكىستاننىڭ لاحورا قالاسىنداعى اناركالي بازارىن جانە تاعى باسقاسىن كورۋگە بولادى.
دۇنيەجۇزىلىك ەسكەرتكىشتەر قورىنىڭ ءتىزىمى جويىلىپ كەتۋ الدىندا تۇرعان كورىكتى ورىندار مەن نىسانداردى انىقتاپ، ساقتاپ قالۋ ءۇشىن 1995-جىلى جاسالا باستادى. ەكى جىلدا ءبىر جاڭارتىلىپ تۇرادى. ال قوردىڭ ءوزى 1965-جىلى قۇرىلىپ، وسى ۋاقىتقا دەيىن 90 ەلدەگى 600 دەن استام جوباعا دەمەۋشىلىك كورسەتتى.