قاراشا ايىندا اۋا رايى قانداي بولادى
«قاراشا ايىندا سيكلوندار مەن انتيتسيكلونداردىڭ ءجيى اۋىساتىندىقتان اۋا تەمپەراتۋراسى رەسپۋبليكا اۋماعىنىڭ باسىم بولىگىندە كليماتتىق نورما شاماسىندا بولادى دەپ كۇتىلەدى، تەك ازيا ايماعىنان كەلەتىن وڭتۇستىك- باتىس اعىندارىمەن قازاقستاننىڭ وڭتۇستىك- شىعىس بولىگىندە 1°س- قا جىلى بولادى دەپ بولجانۋدا» ، دەلىنگەن حابارلامادا.
سينوپتيكتەردىڭ ايتۋىنشا، اتموسفەرالىق اعىنداردىڭ ءوتۋى قۇبىلمالى اۋا رايىن تۋدىرادى، ول جاۋىن- شاشىن، جەلدىڭ كۇشەيۋى (سولتۇستىكتە بوران) ، تۇمان جانە كوكتايعاق قۇبىلىستارىمەن قاتار جۇرەدى.
قاراشا ايىنىڭ ىشىندە ءار ونكۇندىكتە 3 رەت قاتارىنان كۇن سۋىتادى دەپ بولجانىپ وتىر.
« ءبىرىنشى ونكۇندىكتە سۋىقتىڭ العاشقى تولقىنى بۇكىل قازاقستاندى قامتيدى. ونكۇندىكتىڭ باسىندا باتىستا، كەزەڭنىڭ ورتاسىنا قاراي سولتۇستىك- باتىستا، سولتۇستىكتە، ورتالىقتا جانە شىعىستا تۇنگى ۋاقىتتا تەمپەراتۋرا 5…10, كەي جەرلەردە 13 گردۋسقا دەيىن سۋىتىپ، كۇندىز 0…5 اياز، كەي جەرلەردە 5 گرادۋس جىلىعا دەيىن، ەلىمىزدىك وڭتۇستىك بولىگىندە - تۇندە 0…5, كەي جەرلەردە 10 اياز، كۇندىز پليۋس 3.. .8 گە دەيىن سالقىندايدى.
سودان كەيىن سولتۇستىكتە، ورتالىقتا جانە شىعىستا اۋا تەمپەراتۋراسى تۇندە 0.. .5 اياز، كەي جەرلەردە 3 گرادۋس جىلى، كۇندىز 3.. .8 گرادۋس جىلى بولادى دەپ كۇتىلۋدە. ەلىمىزدىڭ باتىسى مەن وڭتۇستىگىندە اۋا تەمپەراتۋراسى تۇندە 0.. .5-كە، كەي جەرلەردە پليۋس 8 دەيىن، كۇندىز 8.. .13 كە دەيىن كوتەرىلەدى. ونكۇندىك سوڭىندا رەسپۋبليكا اۋماعىنا كەزەكتى انتيتسيكلون اسەر ەتەدى جانە تەمپەراتۋرا قايتادان تومەندەيدى» ، دەلىنگەن حابارلامادا.
ەكىنشى جانە ءۇشىنشى ونكۇندىكتەردە تەمپەراتۋرانىڭ تومەندەۋى بارىنشا قارقىندى كۇتىلەدى، بۇل كەزدە سولتۇستىك وبلىستاردى تولىعىمەن قار باسىپ قالادى.
ادەتتە، ەلىمىزدىڭ سولتۇستىك بولىگىندە تۇراقتى قار جامىلعىسىن ورناۋى ورتاشا العاندا قاراشا ايىنىڭ ءبىرىنشى جارتىسىندا كەلەدى، وڭتۇستىك وڭىرلەردە - قاراشا ايىنىڭ سوڭى - جەلتوقسان ايىنىڭ باسى دەپ كۇتىلەدى.