داريعا نازاربايەۆا: جەرگىلىكتى ءوزىن- ءوزى باسقارۋ تولىققاندى جانە كۇشتى بۋىن بولۋى ءتيىس
جۇزدەسۋدە پارلامەنت سەناتى مەن ايماقتاعى زاڭ شىعارۋ ورگاندارىنىڭ ءوزارا ءىس- قيمىل ماسەلەلەرى تالقىلاندى. د. نازاربايەۆانىڭ ايتۋىنشا، ەلدىڭ باسقارۋ جۇيەسىندە جەرگىلىكتى ءوزىن- ءوزى باسقارۋ تولىققاندى جانە كۇشتى بۋىن بولۋى ءتيىس.
كەزدەسۋ بارىسىندا دەپۋتاتتار سەنات ءتوراعاسىنا ايماقتى دامىتۋدىڭ وزەكتى ماسەلەلەرى تۋرالى ايتتى. امبۋلاتورلىق كومەك كورسەتۋ تاريفتەرىن ارتتىرۋ، قۇرىلىستىڭ ساپاسى مەن قاۋىپسىزدىگى، وقۋشىلاردى ىستىق تاماقپەن قامتاماسىز ەتۋگە قاتىستى اڭگىمە ءوربىدى.
دەپۋتاتتار سونداي- اق وڭىردەگى ەكولوگيالىق ماسەلەلەردى دە قوزعادى، ولاردىڭ اراسىندا ونەركاسىپ وندىرىستەرىنىڭ اتموسفەرانى لاستاۋى ەرەكشە الاڭداتىپ وتىر.
سەنات باسشىسى ءوز سوزىندە تابيعاتتى قورعاۋ قىزمەتىن قارجىلىق قامتاماسىز ەتۋ ماسەلەلەرىنە باسا نازار اۋداردى. د. نازاربايەۆا قازىرگى كەزدە ەكولوگيالىق تۇرعىدا زيان كەلتىرەتىن كاسىپورىندار از ايىپپۇل تولەپ كەلە جاتقانىن، دەگەنمەن بۇل جاعدايدى وزگەرتۋ كەرەكتىگىن اتاپ ءوتتى. جينالعان قاراجاتتى ءبولۋ جونىندە دە نازار اۋداراتىن ماسەلەلەر بار.
«بۇل ايىپپۇلدار قايدا كەتىپ جاتىر، ولار قايدا جيناقتالادى، كىمنىڭ قاراماعىنا تۇسەدى؟ ءبىز ونى ۇكىمەتپەن بايىپتى تۇردە تالقىلاۋىمىز كەرەك. بىلاي بولۋى كەرەك، وبلىستا ورنالاسقان كاسىپورىنداردىڭ ەميسسيالارىنان جينالاتىن قارجىنىڭ ەداۋىر بولىگى وبلىستا قالىپ، تابيعات قورعاۋ شارالارىنا جىبەرىلۋى ءتيىس» ، - دەدى د. نازاربايەۆا.
د. نازاربايەۆا س. تورايعىروۆ اتىنداعى عىلىمي امبەباپ كىتاپحاناسىندا وبلىستىق جانە قالالىق قوعامدىق كەڭەس مۇشەلەرىمەن كەزدەستى. بيلىك پەن حالىق اراسىنداعى ءۇنقاتىسۋداعى جۇرتشىلىق وكىلدەرىنىڭ ءرولى، سونداي- اق قوعامدىق كەڭەستەر جۇمىسىنىڭ تەتىكتەرىن جەتىلدىرۋ تالقىلاۋ تاقىرىبى بولدى.
سەنات ءتوراعاسى جۇمىس ساپارى بارىسىندا «پاۆلودار» ارنايى ەكونوميكالىق ايماعىندا بايىتىلعان اليۋميني ءوندىرۋ زاۋىتىندا بولدى.
داريعا نازاربايەۆاعا ارنايى ەكونوميكالىق ايماعىنىڭ جۇمىسى كورسەتىلىپ، ينۆەستورلارعا ارنالعان جاعدايلار تۋرالى ايتىلدى. سەنات ءتوراعاسى بايىتىلعان اليۋمينيي شىعاراتىن جانە ونىڭ جەڭىل بالقىماسىنان اۆتوموبيل ديسكىلەرىن جاسايتىن «Giessenhaus» زاۋىتىنىڭ جۇمىسىمەن تانىستى. زاۋىت 2017 -جىلى ىسكە قوسىلعان بولاتىن. كاسىپورىننىڭ جوبالىق قۋاتى جىلىنا 5400 توننا ءونىمدى قۇرايدى.