پرەزيدەنت: جەتىستىككە جەتكىسى كەلگەن ادام - ونىڭ جولىن ىزدەيدى جانە تابادى
اقوردانىڭ اقپاراتىنا سايكەس، مەملەكەت باسشىسى استانالىق وتباسىلارعا «ءبىر تەرەزە» قاعيداتى بويىنشا زاڭگەرلىك، پسيحولوگيالىق، الەۋمەتتىك قىزمەت كورسەتەتىن ورتالىقتىڭ جۇمىسىمەن تانىستى. بۇل جەردە دەنساۋلىق ساقتاۋ، ءبىلىم بەرۋ، كاسىپكەرلىك، اتاۋلى الەۋمەتتىك كومەك الۋ جانە تۇرعىن ءۇي باعدارلامالارىنىڭ ورىندالۋى جايىندا كەڭەس الۋعا بولادى.
«جانۇيا» ورتالىعىنىڭ باستامالارىن جوعارى باعالاعان مەملەكەت باسشىسى اتالعان مەكەمەنىڭ تاجىريبەسىن ەلىمىزدىڭ بارلىق ايماقتارىندا ىسكە اسىرۋ كەرەك ەكەنىن ايتتى.
سونىمەن قاتار پرەزيدەنت ورتالىقتىڭ بازاسىندا ىسكە اسىرىلىپ جاتقان «كاسىپكەر انا» جوباسىنىڭ قاتىسۋشىلارىمەن دە اڭگىمەلەستى.
«ءبىزدىڭ ەلىمىزدە جۇمىس ىستەپ، جەتىستىككە جەتكىسى كەلەتىن ادام - ونىڭ جولىن ىزدەيدى جانە تابادى. «ىزدەگەن جەتەر مۇراتقا» ، - دەدى قاسىم- جومارت توقايەۆ.