ۇلكەندەرگە قويعان ساۋالىمىزدىڭ جاۋاپسىز قالعانى قانشاما. وسىلاي وسە كەلە ساناداعى جاۋاپسىز سۇراقتارىمىز نە ۇمىتىلىپ قالادى، نە ونىڭ جاۋابىن ارنايى ىزدەۋدى قۇنتتامايمىز. ءبىز سىزدەرگە بۇگىن سونداي ءبىرقاتار سۇراقتىڭ جاۋابىن ۇسىنامىز.
قاندى نەگە «شىلدىر شۇمەك» ساۋساقتان الادى؟
باس بارماق پەن شىناشاقتى الار بولساق، ولار قولدىڭ بىلەگىمەن تىكەلەي بايلانىستى. ەگەر ءسال ينفەكتسيا تۇسەر بولسا، بۇل قولدىڭ باسقا بولىكتەرىنە بىردەن تارالادى. ال ورتاداعى ءۇش ساۋساقتىڭ ىشىندە وسى «شىلدىر شۇمەك» قالعان ەكەۋىنە قاراعاندا اسا اۋىرمايدى، ونىڭ تەرىسى جىڭىشكەرەك.
ا4 قاعازىنىڭ كولەمىنە ا ءارپى مەن 4 سانىنىڭ قانداي قاتىسى بار؟
وسىدان ءجۇز جىلداي بۇرىن قاعازداردىڭ ەشقانداي ستاندارت بولعان جوق. بارلىعى 20 جىلدىڭ باسىندا نەمىس ينجەنەرى ۆالتەر پورستمان قاعازعا ارنايى ستاندارتتى ولشەم ۇسىنۋىنان باستالدى. قاعاز الاڭىنىڭ 1 شارشى مەترى باستى نەگىزگە الىندى. وعان ءالفاۆيتتىڭ ءبىرىنشى ءارپى ا جانە العاشقى 0 سيفرى بەرىلدى، اتاۋى - ا0 بوپ شىقتى. رەتتىلىكتى ساقتاي وتىرىپ، وسىنى ورتاسىنان تەڭ تورتكە بولسەك، قازىرگى كوپ تارالعان ولشەم ا4 شىعادى.
نەگە باسپالداقتىڭ جيەگىنە عانا بوياۋ جاعىلادى؟
بۇل - كەڭەس زامانىنان بەرى كەلە جاتقان قاعيدا. ول كەزەڭدە كوبىنەسە باسپالداققا كىلەم توسەنىش جاياتىن بولعان. سوندىقتان ساتىنى تولىقتاي بوياۋدىڭ ەش قاجەتتىلىگى بولمادى. ال قازىر بۇل جاي عانا سول كەزدەن ادەت بولىپ قالعان.
Massaget.kz