ارىستانبەك مۇحامەدي ۇلى جامانقۇلوۆقا قاتىستى ىسكە وكىنبەيتىنىن ايتتى
ارىستانبەك مۇحامەدي ۇلى بەلگىلى اكتەرمەن تۋىنداعان ماسەلەدە ماڭىزدى قادامدى قازاقستاندىق كينو سالاسىنىڭ بولاشاعى ءۇشىن جاساعانىن ايتتى.
«تۇڭعىشباي اعامىز جايلى كوپ ايتىپ جاتىرمىز عوي. تاعى دا ايتايىن. شىندىعىنا كەلگەندە، ول كىسىنى ونەر تۇلعاسى رەتىندە ءبارىمىز سىيلايمىز. ويناعان وبرازدارى بار، ۇستازدىق ەتكەن شاكىرتتەرى بار. ال اتالمىش ماسەلەدە مەن بۇل قادامعا ادەيى تىگىنەن باردىم. مىسالى، كوبىسى ماعان «ونىمەن نە كەرەك شاتاقتاسىپ، وداندا سۇراعانىن بەرە سالساڭشى» دەدى.
سول كەزدە ەگەر ءبىز كينو سالاسىن دۇرىستاپ قويامىز دەسەك، ماعان ءبىر ۇلكەن قادامعا بارۋ كەرەك بولدى. بارىنە ۇلگەرەتىندەي. «جىگىتتەر بولدى وسىمەن توقتاتايىق» دەۋىم كەرەك بولدى. تازا كينو ءتۇسىرۋىمىز كەرەك، نەمەسە بۇرىنعىداي كينوعا اقشانى بەرىپ، راحمەتىن الىپ، ناتيجەسىندە ەشقانداي كينو دا جوق. وسى 25 جىل ىشىندە قانداي كينو بار «مىڭ بالادان» باسقا؟ جىل سايىن كەرەمەت اقشالار ءبولىنىپ جاتىر. قايدا ول كينولار»، - دەيدى بۇرىنعى مينيستر.
سونىمەن قاتار، مۇحامەدي ۇلى وزىنە جالا جاپقانداردى سوتقا بەرگەنىن جەتكىزىپ، ۋاقىتى كەلگەندە شىندىقتىڭ بەتى اشىلاتىنىن دا اتاپ ءوتتى.
«ءوز ۇستانىمىڭ بولۋ كەرەك. مەن وكىنبەيمىن. ۋاقىتى كەلگەندە بارلىق جالا جاپقانداردىڭ بارلىعى اشىلادى. انا قىز دا شىعادى. ۇياتتى بولىپ، «مەن ومىرىمدە وكىنىشكە وراي وسىنداي قادام جاسادىم» دەپ ايتادى.
جاڭا تالعات دەگەن جىگىت شىقتى. ول دا بوپسالاپ، ءبارى مەنى جولدان الىپ تاستاۋ كەرەك بولدى. ولاردىڭ ارتىندا بۇرىنعى پرەزيدەنت اكىمشىلىگى جەتەكشىسىنىڭ ورىنباسارى ءوزى تىڭشى بولىپ ۇستالىپ جاتىر. مىندەتتى تۇردە جوعارى جاقتان قاراپ تۇراتىن بار. جازاسىن مىندەتتى تۇردە بەرەدى»، - دەيدى ۇلتتىق مۇراجاي باسشىسى.
سۇحباتىنىڭ سوڭىندا ارىستانبەك مۇحامەدي ۇلى ەشكىمدى اتا جاۋى سانامايتىنىن، قىزمەتتە ءوزىنىڭ ادامدىق كوزقاراسى، ۇستانىمى بار ەكەنىن سوندىقتان وسىنداي قادامدارعا بارعانىن (رەد ەسكەرتپە. سوتقا بەرۋ) جەتكىزدى.