دارىگەرلەر قاتەرلى ىسىكپەن اۋىراتىندار ءۇشىن حالىق ەمىنىڭ قاۋىپتى ەكەنىن ايتىپ وتىر
جىل سايىن وسى وڭىردەگى سىرقاتتاردىڭ ەكى پروتسەنتى دەر كەزىندە مەديتسينالىق ەم قابىلداماۋدىڭ سالدارىنان قايتىس بولاتىن كورىنەدى. وزەكتى ماسەلە ونكوورتالىقتا وتكەن «اشىق ەسىك» كۇنىندە تاعى ءبىر مارتە كوتەرىلدى.
اتالعان شارا ءسۇت بەزىنىڭ وبىرى ايلىعى اياسىندا ۇيىمداستىرىلدى. بۇل كۇنى 800-گە تارتا ادام مامموگرافيا جانە ۋلترا- دىبىستىق زەرتتەۋدەن تەگىن ءوتتى. ناتيجەسىندە تەڭ جارتىسىنىڭ اعزاسىنان اۋىتقۋشىلىق تابىلعان. سونىڭ ىشىندە 9 ايەلدىڭ ءسۇت بەزىنەن قاتەرلى ىسىك بەلگىسى انىقتالىپ وتىر.
قۋانتقان جاباعين، يادرولىق مەديتسينا جانە ونكولوگيا ورتالىعى ديرەكتورىنىڭ ەمدەۋ ءىسى جونىندەگى ورىنباسارى:
- جانى قىسىلعان ادام جان- جاقتان كومەك كۇتەدى. ءبىز تۇسىنەمىز. ءبىز ادامدارعا جەتكىزگىمىز كەلەدى. اۋىرعان كەزدە دارىگەرگە جۇگىنۋ كەرەك. ەمشىگە، تراديتسيالىق ەمەس ەم تۇرلەرىنە جۇگىنۋ تەك قانا كەرى اسەرىن تيگىزەدى. اۋرۋدىڭ اسقىنۋىنا اكەپ سوقتىرادى.