«قازىر نۇر- سۇلتان قالاسى اكىمشىلىگىمەن جۇمىس ىستەپ جاتىرمىز. ءبىزدىڭ جوسپارىمىز بويىنشا وسى جاقىندا، جەلتوقسان ايىندا نۇر- سۇلتاندا ءال- فارابي اتىنداعى كوشە بولادى. رەسپۋبليكالىق وقۋشىلار سارايىنا ءال- فارابيدىڭ اتى بەرىلەدى. وعان قوسىمشا دەمەۋشىلەردى تارتۋ ارقىلى ەلوردا ءال- فارابيگە ەسكەرتكىش ورناتىلادى»، - دەدى ۇكىمەت باسشىسىنىڭ ورىنباسارى.
وسى ورايدا بەردىبەك ساپاربايەۆ ەلىمىزدىڭ سىرتقى ىستەر مينيسترلىگىنە داماسكىدەگى ءال- فارابي ورتالىعىن قايتا قولعا الۋدى ءوتىندى.
«جوندەۋ جۇمىستارى قاجەت بولسا سولاردى جۇرگىزۋ قاجەت. ونىڭ ۇستىنە سىرتقى ىستەر ءمينيسترى مۇحتار تىلەۋبەردى سول جەردە (داماسكىدە) قازاقستاننىڭ كونسۋلدىعىنىڭ اشىلاتىندىعىن ايتقان ەدى. ءبىزدىڭ ءوتىنىشىمىز، سول كونسۋلدىق نەگىزىندە ءبىر ۇلكەن عىلىمي- تاجىريبەلىك كونفەرەنسيا وتكىزسەك. ول كونفەرەنسياعا كورشى مەملەكەتتەردىڭ فارابي تانۋشىلارىن شاقىرساق. سول ارقىلى ءال- فارابيدى تاعى ءبىر ۇلكەن حالىقارالىق دارەجەگە كوتەرەر ەدىك»، - دەدى ول.
اۆتور: مارلان جيەمباي