«بۇگىن حالىققا مەكەنجاي انىقتاماسى قانداي جاعدايدا تالاپ ەتىلەتىنىن ءتۇسىندىرۋ ءۇشىن جينالىپ وتىرمىز. ەگەر مەملەكەتتىك ورگان تۋرالى ايتار بولساق، ورتالىق مەملەكەتتىك ورگاندار نەمەسە وبلىستىق، اۋداندىق بولىمشەلەر دەڭگەيىندە بۇل مالىمەتتەر (مەكەنجاي انىقتاماسى-اۆت) قولجەتىمدى. جۇمىس بەرۋشى مۇنداي جاعدايدا جۇمىسقا تۇرعىسى كەلگەن ازاماتتان مەكەنجاي انىقتاماسىن تالاپ ەتە المايدى. ەگەر ماسەلە جەكە تۇلعادا بولسا، ەشبىر ەڭبەك زاڭناماسىندا مەكەنجاي انىقتاماسىن الىپ كەلۋ تۋرالى تالاپ جوق. ياعني، بۇل جەردە ماسەلە ازاماتتىڭ جۇمىسقا تۇرار كەزدە ءوزىنىڭ قايدا تۇراتىنىن ناقتى جازىپ بەرە الۋىمەن شەكتەلەدى»، دەدى ق ر ءى ءى م كوشى-قون قىزمەتى كوميتەتى ءتوراعاسىنىڭ ورىنباسارى گالينا سارسەنوۆا ۇكىمەتتىڭ باسپا ءسوز ورتالىعىنداعى بريفينگتە.
ارىپتەسىنىڭ ءسوزىن ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ تا راستادى.
«مەكەنجاي انىقتاماسىن مەملەكەتتىك دەڭگەيدە الىنىپ تاستالدى. ياعني، بارلىق جۇمىس بەرۋشىلەر ازاماتتاردى جۇمىسقا الۋ تارتىپتەرىن قايتا قاراۋى كەرەك»، - دەدى ول.
ەسكە سالا كەتسەك، بۇعان دەيىن «ازاماتتارعا ارنالعان ۇكىمەت» مەملەكەتتىك كورپوراتسيا باسقارماسىنىڭ ءتوراعاسى اسەمگۇل بالتاشيەۆا ەلىمىزدە مەكەنجاي انىقتاماسى 1- قاراشادن باستاپ جويىلاتىنىن ءمالىم ەتكەن ەدى.