دونالد ترامپ ءابۋ باكر ءال-باعدادي ءىزباسارىنىڭ كوز جويىلعانىن ءمالىم ەتتى

ۆاشينگتون. قازاقپارات – ا ق ش پرەزيدەنتى دونالد ترامپ دايش لاڭكەستىك ۇيىمىنىڭ كوسەمى ءابۋ باكر ءال-باعداديدىڭ جاقىن جاقتاسىنىڭ كوز جويىلعانىن مالىمدەدى، دەپ حابارلايدى قازاقپارات امەريكا پرەزيدەنتىنىڭ Twitter- دەگى پاراقشاسىنا سىلتەمە جاساپ.

«جاڭا عانا امەريكا اسكەريلەرى ءابۋ باكر ءال-باعداديدىڭ ءنومىر ءبىرىنشى ورىنباسارىنىڭ كوزىن جويعانى راستالدى. ول جاقىندا كوسەمىنىڭ ورنىن باسار ەدى. ەندى ول دا ءولدى!» - دەپ جازدى دونالد ترامپ.

الايدا د ا ي ش كوسەمىنىڭ ءىزباسارىنىڭ اتى-ءجونى ايتىلماعان.

ەسكە سالا كەتسەك، بۇعان دەيىن دونالد ترامپ سيريادا ارنايى وپەراتسيا بارىسىندا د ا ي ش لاڭكەستىك ۇيىمىنىڭ كوسەمى ءابۋ باكر ءال-باعداديدىڭ كوزى جويىلعانىن حابارلاعان بولاتىن.

اۋدارما: جانىبەك امانگەلدى